iris님의 프로필千足純金之家歡迎大家光臨, 請隨便參觀, 歡迎留...사진블로그리스트기타  |  도구 도움말 |
|
1월 26일 懷念今日聽裙下之臣, 竟然令我懷念昔日的哥哥.
原本陳奕迅已經無懈可擊, 但今日坐於車廂中,
總是覺得這歌似曾相識, 卻又有點欠缺.
細聽, 是哥哥的風格吧!
幻想著哥哥會如何去演繹,
再幻想在某段, 哥哥一定會用沈厚的唱腔去唱.
我有衝動馬上要聽昔日金曲.
去者已矣.
遺下的, 就只有你的繞樑三日.
1월 24일 剥牙記因為要箍牙, 所以要剥牙.
去到牙醫診所, 好驚啦!
要打針, 上兩枝, 下兩枝, 驚到爆.
個感覺就好似睇一週刊呀吳文忻小姐咁,
有d想縮呀!
打完針塊面開始麻痺, 仲驚呀,
肉隨拈板上, 死就死啦.
睇黎我d牙都好堅固,
牙醫用力左右搖擺, 係咁同我d牙搏鬥,
終於成功左. 做牙醫都要有強健嘅體魄,
手無縛雞之力都做唔成牙醫.
做左無牙妹, 有d唔習慣,
食野淨係用住另一邊先啦, 唔該晒. 懶洋洋呢排好懶散, 有好多野想寫, 但又懶得寫.
自己又打字慢啦, 又忙啦, 又想早d瞓啦,
又要攪結婚d野啦, 又要帶三個女去映相啦!
好多好多藉口比自己唔blog.
好.....第一件事.....
同女女映左相啦, 都係多得Fanny 介紹.
我地都係近近地去左城門水塘玩,
Wendy仲帶埋Goldenwater 一齊去玩. Water 真係好乖呀!
查查果日仲想學monkey 由高處跳去d樹枝度,
結果.......樹枝就梗係捉唔住, 好彩無事咋.
D 相出左黎真係好開心, 因為好靚呀!
第二件事.......
早兩日同labclub d 朋友去澳門美食團,
因為有Nadia 做嚮導, 嘩...食食食,
又食正宗葡國餐, 又打冬蔭公邊爐,
又食左好正的甜品........榴槤雪糕,
諗起都令人振奮!!
榴槤雪條都成日食, 以為無咩吸引,
果日又凍, 又飽飽地, 本來想食布丁或第二D,
但試吓啦........嘩!!不得了, D 榴槤果肉多到爆, 好重料,
平時食滿記果D榴槤布丁/pancake 真係行埋一邊.
果日有咁多好榴槤的好友, 真係一樂也!
真係好多謝Nadia 的安排,
令我地過左一個咁好玩的澳門一日遊.
第三件事........
就係攪吓結婚d野囉!
就算無野攪, 都頻頻上吓esdlife 睇吓d forum.
下一步就係去映酒席送的羅浮宮package.
早兩日去試衫.....覺得自己好似個男人著婚紗咁,
極度唔啱feel. 不過都要映吓, 未試過可能映出黎好睇又唔定呢.
第四件事.......
都同結婚有少少關係, 就係箍牙.
一向都覺得d牙唔整齊,
但又唔想好地地剥走d健康嘅牙齒.
明明隻牙無爛又無蛀, 做咩要剥左佢,
又驚第時老左d牙壞晒甩晒無牙食野,
想据個扒都無牙食, 諗住留得一隻得一隻呀,
再加上我又變態地咩都話唔捨得,
連隻牙都話有感情唔剥,
所以到而家先把心一橫去做呢件事.
之前都有考慮過好多次,
結果都係因為唔想剥牙而否決左箍牙呢個決定,
認為食野大過天, 靚都係其次.
但點解今次會推翻晒過往咁多次的決定?
都係而家d後生女囉!
個後生我十年的妹妹同事知我怕老左無牙食野,
一句話: 而家d科技咁先進, 無牙埋鑲假牙囉!
即時如五雷轟頂, 點解自己一路都無咁諗過呢?
放工是即刻打電話book 睇牙醫,
而家已經剥左兩隻牙,
黎緊星期六剥多兩隻,
之後就上箍, 等待大功告成之日.
結婚時礙於美觀醫生話可將牙箍拆除,
之後再裝番個新嘅上去, 好啦, 就咁啦.
睇黎之後要做嘅野將會更多, 一步一步黎啦.
慢慢做就得架啦.
1월 18일 好姊妹鈴鈴同DIAMOND 感情要好得真的沒話說.
她倆經常一起玩互咬, 又經常互相依偎著對方,
有時又一起在同一個墊墊上咬骨骨.
看見她倆, 媽媽的心又感動了.
今日行街街, 買了條靚靚COLLAR 比佢地一條三分用.
因為得紅色靚, 其餘黑色藍色都唔靚. 但可以配唔同的水晶英文字.
所以單買一條COLLAR 另加三個女個名.
鈴鈴要用就配佢個名, 查查用就轉番查查個名, DIAMOND 亦如是.
真係好靚我好鍾意呀. 1월 3일 AEP聽日AEP, 本來係上個月的, 人地讀晒書好好準備乖乖, 跟住又改人DUTY, 點呀?
唔夠人就唔好編人啦, 又死要編又要LAST MINUTE 先改! 吊!
可知一出ROSTER 有AEP 呢三個字係令我地幾大壓力?
尢其我地D老人家,個腦生晒銹要讀好耐先識架.
讀完又好快唔記得晒, 上個月讀完, 今個月又要讀,
雙重煎熬. 個個都話寧願做10班4-SECTOR 都唔想AEP.
|
|
|
