iris님의 프로필千足純金之家歡迎大家光臨, 請隨便參觀, 歡迎留...사진블로그리스트기타  |  도구 도움말 |
|
10월 20일 煲"與敵同行"昨晚, 一口氣把過去一個星期的"與敵同行"連大結局看畢了.到朝早八時許才去睡.
自問一向也不是電視迷, 覺得追看電視劇十分浪費精神時間,
有時間看電視, 也只會收看我最喜愛的"動物星球"頻道.
而且工作上亦令我不可能每天安來坐家中收看電視劇集.
但此劇有兩大視帝作主角, 而郭晉安作奸角對我來說很有新鮮感,
因此, 若碰巧有空有機會便會收看, 當作是自己大腦及身體休息的時間.
剛過去一個星期, Ringo 前往印尼工作, 而當中有幾天我亦不在家,
於是我便提議他把這個星期的"與敵同行" 錄影起來, 待有空時一起收看.
昨晚是週末, 我心想, 如果現在不看, 待電視劇過了氣,
以後更加不會看, 所以便提議不如一起看電視吧.
於是我倆便看了一整晚的電視劇.
不評論電視劇好看與否.
只是看電視時, 深深體會到有個"傻佬"跟我一起"煲劇"煲到天光的一種幸福.
希望到八十歲, 還有這個雅興.
P.S. 點解郭晉安同鄭嘉穎都係叫黎宣做"女麻 女麻"?
一歲半黑lab 仔尋好主人(已被領養)黑色拉布拉多, 一歲半, 男仔, 未絕育, 但要求新主人同狗狗絕育.
有興趣請pm 或email 我: iristsan@hotmail.com 我會將主人之聯絡轉告. 謝謝!   10월 14일 我的兩個好妹妹番工要三日兩夜, ringo 又出trip 唔係香港成個禮拜.
收到呢個消息, 覺得呢一日終於來臨, 係考驗我地嘅時候.
我地成日都唔願意擺佢地去寄宿, 因此我地連曾經最鍾意嘅活動...去旅行, 都唔去.
本來都諗住今次要擺四千金去游師父度幾日, 不過一睇我個更, 我第3日好夜先番,
要第4日先可以去接佢地番屋企, 我就更加唔想咁做.
於是就問吓小肥得唔得閒, 估唔到我個好妹妹一口就答應, 吁!!! 一天都光晒.
過幾日,同呀茵講開小肥會過黎幫我湊女, 佢又二話不說地話要過黎幫手,
嘩!!! 實在好感激兩個好妹妹的義不容辭, 更加感激呀爸呀媽生左我地三姊妹!
今次係 DIAMOND 同 JADE第一次無爸爸媽媽陪伴, (曾經鈴鈴查查都試過4日寄宿)
希望佢地四姊妹ok 啦! 不過我知一定ok 嘅!
頭先呀茵已經sms 我報左平安, 不過因為太夜啦佢地要瞓啦所以唔msn,
好啦!! 當堂個心安樂晒!! 10월 13일 賤骨頭早排放大假, 放完11日, 番左兩三日輕鬆工, 又放多11日, 成個月無咩番工.
原本覺得好正架, 但中間竟然作病, 喉嚨痛頭wingwing地作感冒.
自認係自然療法主義者, 醫生我會睇, 但藥就一定唔食,
總之唔係大鑊野就希望靠自己抵抗力好番.
但今次攪左好耐, 喉嚨痛久久不散, 日日已經飲好多水,
可能係唔夠休息, 攪好耐都仲係唔舒服, 仲係咁有d核突嘅痰加埋流鼻水,
成日要sung 鼻涕好麻煩.
今日係放長假後第一日番工, 之前都想偷懶唔番,
但呢個咁壞的念頭只係一閃而過, 工就梗係番啦,
點知, 一番到去即刻龍精虎猛, 仲係咁嘴"蕉蕉"同同事係咁講好多野,
喉嚨痛? 唔記得lu!! 鼻水? 唔見晒啦!
暗付: 究竟自己係咪賤骨頭? 定係番工太辛苦連病魔都要退避三尺?
健康的身體係最重要嘅, 唔洗sung 鼻涕好舒服好free 呀!!
10월 7일 十一國慶大坳門lab 友吹雞去玩, 好呀. 天氣涼涼地, 最啱去郊外啦!
不過果日郊野公園超多人, 淨係等位泊車都等左好耐,
泊低架車, 行入去啦, 嘩...仲多人過旺角呀!
不過好快同lab 友回合後, 我地就搵到個好地方可以比狗狗放繩玩啦!
果日本來諗住同d女映吓靚相, 但耐何相機一上手原來只淨番一格電,
無計啦, 原來屋企個位尊貴的CTO唔記得幫部相機差電, 映左幾張相就無電啦!
 10월 6일 10月4日火炭搬糧日.10月4日火炭搬糧日.
labclub/DDT/網誌"內有惡．犬" 網友等眾善長捐贈之38包狗糧, 另外又有貓義工的10盒貓沙, 另場主訂的貓沙貓糧. 當日出席之義工有: Jennifer, DorothyNg, Ellen, Mandy, Nick, Mark, Terence, 雄哥, 朱大爺, 珍珍, 莊雪儀, 李凱欣, 蒙依羚, 江秋儀, Garfield, 蕭穎欣, 蕭俊軒, 張穎欣, 張穎琛, Iris, Ringo, 一共21位.
搬運工作2時左右開始, 大家一起去為無家的狗狗出一分力, 希望牠們得到最起碼的溫飽.
駕輕就熟的雄哥
Terence
蕭穎欣
貓貓義工Jennifer
Jennifer 本是另一隊定期到場義工組-清潔組之成員,
唯本月搬糧日我們提早了一星期進行, 故能與她碰面, 實在很高興!!
搬運工作不消一個半小時已經完成. 之後, 義工們便進行清潔工作和餵零食予狗狗.
膽怯的狗狗很想走出來吃蒙依羚手中的芝士零食.
怎樣? 吃還是不吃?
雄哥每次也為狗狗帶來大量烚雞柳, 看! 張穎欣手中的大包雞柳, 蕭穎欣手中亦有雞條乾.
看, 為食狗狗圍得Ellen 團團轉!
本月火炭狗場搬糧義工日有幸得眾義工朋友支持, 人數尚算不少, 其中還有幾位年紀甚輕之義工出席. 我們每人每一雙腿所走的每一步, 每一滴流過臉上的汗, 也是義工們為眾無家動物獻出的愛. 所以千萬不要少看每人所付出的小小力量, 眾人分工合作,令場內無家的動物又有一個月溫飽的保證.
假如你也希望跟我們一起去狗場給予狗狗一絲溫暖快樂,
請email 我: iristsan@hotmail.com , 我會盡快與你聯絡. 或可於以下兩組義工隊伍: 清潔組 http://hk.myblog.yahoo.com/misswswong/article?mid=11118
10월 4일 四千金與Amber的 barf |
|
|
