iris님의 프로필千足純金之家歡迎大家光臨, 請隨便參觀, 歡迎留...사진블로그리스트기타  |  도구 도움말 |
|
11월 28일 攝影是三分鐘熱度嗎?(1)早幾星期前, 母母公司發出電郵,
通知員工11月4日有個繽紛家庭同樂日, 欲招募集團其下員工懂得攝影之士, 去作當日大會之攝影師.
一般情況看見此等電郵便馬上按制刪除, 唯今次看到$3000 這幾個數目字之際,
按刪除制之勢馬上止住, 細看內容, 招攬條件不俗, 拍攝工作3小時便得賞金三千大圓.
呵呵.....利慾薰心的我竟膽粗粗嘗試申請去參選, 有點不自量力啊!
但錢啊! 錢啊! 重賞之下, 必有勇夫. 把過往替四千金拍攝的所有照片抽絲剝繭,
千挑萬選地找出幾張自己認為還可以的, 大著膽子電郵到負責人的郵箱裡去.
不久, 有回覆啊! 但對方要求我拍攝的對象要是人而不是狗. 好啊!
翌日帶著四千金到寵物綠洲, 再翌日又到彭福去, 我要找我的攝影模特兒啊!
這兩天, 名義上是帶四千金去玩, 實際上卻是去拍照啊!
拍啊拍, 完成後, 又精挑細選地把照片電郵去指定的郵箱中.
過不久, 又有回覆啊! 我被挑選了! 呵呵!
就像中了獎般, 有獎金是其次, 得到別人認同才是令我高興的最大原因.
這是Ringo 形容我攝影的功夫: 光圈快門是甚麼也不曉得, 卻走去當大會攝影師?
我反駁道: 對啊.....我是甚麼都不曉得, 但我有天份. 我拍的每一張照片也充滿感情, 內裡也有一個故事.
又胡亂吹噓: 不論你攝影技術又多好, 相機鏡頭有多昂貴, 若相片沒有感情, 沒有feel,
那也只是一張生硬的照片. 攝影師不能把相中畫面的情感顯現出來, 便不能稱之為好攝影師了.
哈哈!!! 這是我經常性的歪理, 恃著一點點不成文的理由便可以繼續躲懶啊. 11월 27일 求學不是求分數今次JJ 連第一關亦過不了, 本來真的令我十分失望.
Jade Heel 得好, 真的寸步不離, 而Stay亦做得不錯.
再加上先前已有鈴鈴和查查2次成功的經驗,
就算今次是爸爸和JJ應考, 都應該手到拿來, 很容易便合格.
可惜, 千算萬算, 我們本末倒置地只著重考試要拿取高分,
而忘記了主人和狗狗去考試的根本原因.
設立此考試的目的, 除了要主人和狗狗為考試而作出適當的練習,
從而增加狗狗對主人之服從性和認受性以應付考試之外,
還有更重要的是在訓練過程當中可增加狗狗對主人的信任,
建立彼此之間的互信我認為才是考試的最終目的.
我和Ringo 今次也錯了, 而且錯得很厲害, 完全是大錯特錯!!
從今次經驗中, 知道凡事要從跟本開始,
亦引申到令我想起和Diamond 去玩障礙時,
是要去享受當中的過程而拿取好成績亦只不過是其次.
11월 23일 與查查一起看星晚上, 帶查查下樓走一圈.
就像往常一樣, 我們先到尿尿區,
再到L4空置停車場跑一會, 然後查查喜歡到燒烤區搜尋美食,
再跟山邊的村狗兒打個招呼問個好.
之後與查查乘電梯到我們偷情的禁地-網球場C.
網球場C是一個露天的網球場, 平常當然不許狗狗進入,
但入夜了, 場內四周漆黑一片, 任誰人不走近也看不見我倆.
網球場四面有牆並有鐵絲網圍着,
而出口或入口也只有一個,
要進去必須推門而入, 之後門又自動關上.
所以一點也沒有走狗的機會
在黑夜, 這裡是我最喜歡放狗的地方.
跟查查在球場內追逐喪跑, 要查查跳躍過場網.
她姿態漫妙, 可比上歌曼妮姿的滿分動作.
累了, 跟查查蓆地而坐, 相擁於黑夜中,
抬頭一看, 滿天星光正照耀著我們,
手指向天, 跟查查說: 看! 美麗的星宿啊!
查查亦不禁抬起頭, 跟媽媽一起享受此時此刻,
共同欣賞這寧靜美麗夜空. 11월 22일 Diamond 上學去2Diamond 今日又去上堂啦!
由於今日無其他人同狗狗, 所以小didi 今日好專心啊! 乖乖豬!
今日都係主要係練習場玩吓先, 等佢知道一下d玩具係點玩,
跳欄/A frame/ Dog walk/ Open tunnel 都好鍾意玩,
而Long jump 就起先唔太識, 成日都踏左上板,
於是游師父叫我上番繩, 做jump 時提一提起佢,
之後小didi 就知道要點玩啦,
不過有時佢偷懶惰, 我地又再黎過玩到啱為止.
之後過左大場玩Tire jump/ Double 同 triple bar jump ,
佢都好鍾意呀!!
最後, 終於可試玩一下穿梭棍啦!!!
用d鐵網圍住條路, 一定要咁行! 呵呵! 好得意.
玩一陣後就差唔多放學啦! 下次希望可以學識啦!
回家路上, 天已黑啦, 要快d番屋企啦.
今日同didi 玩左唔係好耐, 但didi 番到屋企已經好攰啦.
我怕佢過度疲勞, 所以本來諗住星期六再去的, 而家諗諗吓都係抖吓先,
因為唔可以催谷得太緊要, 怕佢會反感.
夜晚幫佢按摩吓, 又可以促進親子關係啦.
今日游師父話diamond 應該唔會係一隻好快嘅狗,
因性格關係, 應該會比其他品種慢.
我話唔緊要架, 因為我地唔係要同其他人比較,
我地只要做好自己, 希望每次都同上次有少少進步就得架啦.
didi, 媽媽同你一齊努力呀!! 11월 19일 義工日-17Nov07 今天工作尚算順利. 原先擔心義工台柱之一的雄哥今天因工務不能出席,
幸好今次尚有十多位路得會學生義工及其他個別義工人士仗義相助, 令工作得以順利進行.
今次要搬的東西.
今次出席的義工有: : 朱大爺, 陳家晞, 蕭穎欣, Dorothy, Gary, Tony, Ringo, Iris 和十多位路得會學生義工.
眾義工先把狗糧搬妥, 之後便分工, 一半到新場, 另一半到舊場工作.
工作計有替狗狗沖涼, 帶狗狗行街, 洗地, 清洗用具, 及丟垃圾.
不要小看丟垃圾這項看似輕鬆, 實際卻不容易的工作.
由於狗場距離垃圾箱及垃圾站都要走一段路, 加上要走梯級,
所以每次丟垃圾也要花很長的時間及氣力,
加上手中的垃圾有相當的重量, 故每次丟一包垃圾便令我氣喘如牛.
而昨日更要丟棄一張爛木床, 於是三位義工合力連拖帶拉地抬著木床由狗場走下梯級,
走到平路後便使用手推車把木床推到垃圾站去.
用手推車的一段路雖是平路, 但木床解體後木板的體積亦很大,
故不知跌跌撞撞了多少次才走到村口,
到村口後又要過一條馬路後才可到達垃圾站.
為安全計我們便棄手推車而選擇徒手捧著大木板/木條走到垃圾站.
由狗場開始的一段路到垃圾站, 這樣一來一回三位義工已花了半小時,
故丟掉一次大型垃圾所花的人力物力已很奢侈.
今次義工人手尚算充裕, 更有兩位女生力軍陳家晞及蕭穎欣幫忙,
今次她們聯同另一位女義工Dorothy一同負責帶小型犬出狗場外走走,
讓牠們呼吸一下場外的空氣.
在狗場生活, 除了吃, 能到場外走走便是狗兒的最大樂趣,
我不敢奢望場內的狗狗能找到家的一天, 畢竟不少狗兒的年紀已不少,
我只願牠們可有多點的機會往場外走走, 讓牠們生命多一點色彩.
11월 17일 聽日又入火炭啦唔知聽日會有幾多人去呢, 唉......每個月都要擔心人手唔夠, 大家都會做得好辛苦,
更怕新加入的義工去過一次之後嚇怕左, 覺得太辛苦而唔會再有下次.
但義工始終係義工, 唔可以強求一定要人下次黎.
但招募義工情況真係每況愈下, 有時想映多d相post 出黎比其他人睇d狗狗嘅情況,
或者同d義工傾多d計做多d交流嘅工作.
但淨係搬糧已經人手唔夠, 沖涼同洗地好多時都唔夠時間做,
我更加唔敢騰空自己走去映相,
反而因為我自己係召集人更要加倍努力去搬去做,
但有時真係覺得辛苦, 真係唔知自己可以支持幾耐!! 師公有一股氣話說當日同Diamond 去到上水, 入到場見到師公之後,
小小diamond 好似變得特別乖巧, 無平時咁貪玩,
就好似小學生見校長咁, 乖乖企定定, 聽從師公訓話.
之後入去模擬障礙場示範跳躍比師公評核時,
更乖乖聽話, 媽媽叫去東就去東, 去西就西,
番黎就番黎, 同平時比較真係乖好多.
係咪Diamond妹妹感覺到師公有股好強嘅氣呢?
佢係咪知道游師公係果度係最至高無上, 隻隻狗都要視佢為首領,
所以Diamond妹妹今次都不敢造次, 要乖乖就範. 11월 16일 Diamond入左名校仲要係A班!昨日終於第一次到上水游師父那兒去了, 其實大早已想帶Diamond或Jade 去玩,
但礙於較早前忙呀忙, 終於等到今日才可鬆一口氣去作一個開始.
今天終於決定帶Diamond 和查查去, 而否決了Jade, 不是因為Jade的問題,
只是因為我擔心JJ 或Diamond 不夠服從, 即未夠班去玩障礙,
所以改為帶查查去作後備, 若游師父因水準問題不肯收Diamond或JJ,
我還有服從性較高的查查在場, 希望仍有一絲希望可以作後補可以去學習.
約了朱大爺一同前往上水, 到了!! 看見師公, 立即與Diamond在師公面前走兩圈,
去評估Diamond 是否夠潛質去作訓練, 師公亦要知道Diamond對我的服從性有幾高,
才可決定我們的入學試是否合格.
若Diamond 放繩後只顧自己跑而對我的叫喚充耳不聞,
那我只好回家去, 閉關修煉一下自己和狗狗之間的關係才可再次去扣門口.
幸好, 師公對Diamond 今天的表現尚算滿意.
經Heidi 即另一位教練游說下, 媽媽替Diamond 報讀了一個高級課程,
因為 Heidi 說Diamond 可以去玩無繩的公開組課程, 呵呵!
你說他們打開門做生意要你多交學費去學高級班也好,
你說他們怎樣也好, 不打緊! 栽培子女學習是媽媽的責任.
付出多一點, 可以替囡囡入名校, 還要入讀A班, 你說有多高興!!
Diamond 你要努力! 你要替唐狗狗爭一口氣啊!
11월 14일 計劃一大事結束了, 所有煩惱消失了!!
又是時候好好計劃一下將要做的事情.
明天去上水, 試去報名參加一個好久前已想參與的挑戰.
希望不會連玩的資格也沒有吧!
心中想帶jade 或 diamond 去,
但擔心師父覺得她倆表現均未達標,
故心思思想帶查查.
明天再決定吧! |
|
|
