iris님의 프로필千足純金之家歡迎大家光臨, 請隨便參觀, 歡迎留...사진블로그리스트기타  |  도구 도움말 |
|
12월 21일 12月13日火炭狗場搬糧日概況12月13日火炭搬糧日.
labclub/DDT/網誌"內有惡．犬" 網友等眾善長捐贈之38包狗糧, 另外又有場主訂的貓沙貓糧.   另有義工呀詩捐贈的防蜱蝨噴劑, 沖涼液及狗狗零食.
 當日出席之搬運組義工有: 雄哥, Ellen, Terence, Grace, 珍珍, 莊雪儀, Esther, Alfred, Belle, Iris, Ringo, 路德會義工呀魚,
另有清潔組義工 Zoey, YY, 小林, John , 4位一早到場為貓房及新場清潔, 令搬運過程更加順利.
搬運工作2時左右開始, 大家一起去為無家的狗狗出一分力, 希望牠們得到最起碼的溫飽.
雄哥, Ringo 和 Terence
   Grace, Esther, Ellen
   還有不願出鏡的珍珍.
 搬運工作不消一個半小時已經完成. 之後, 鄧生鄧太便協助清潔工作.
 其他義工們便餵零食予狗狗和帶牠們出外散步了.
雄哥餵"大舊"食烚雞柳, 大舊起初有D猶豫. 但食左一啖之後睇佢幾開心!
  隔離三寶即刻乖乖排好隊等食.
 Grace 同大黑b(前), 呀魚同Coffee(後). Esther 同 Bobby 自由行.
  威士: 魚姐姐同我出街好開心呀!! Belle 叫 Henry: 飲多d水啦! 對身體好架!
  齊齊坐定定sit 好比我映相, 真乖乖!! 佢身型仲好fit好靚女呀!
  而齊齊身邊, 係4個月大的bb,
場主係屋企樓下見佢走黎走去, 當時佢頸上仍繫有狗帶,
但又唔見主人,於是就帶左佢番狗場. 希望有好心人可以領養佢.
佢真係好乖架, 放開繩又唔會走左去, 乖乖跟住大人, 個樣又可愛,
真係唔想佢困係狗場一世.
  同場加映: 對面豪宅有傭人帶狗狗出外散步,
佢地有工人服侍, 比起狗場內d狗狗, 真係同狗唔同命!
雖然唔知佢地主人係咪真正愛佢地, 但有人照顧, 起碼有清潔乾淨嘅地方居住.
 場內仲有一對新來嘅可愛北京狗, 據場主了解, 狗主原來居住環境唔容許養狗,
現狗狗遭迫遷, 暫時主人仍未決定會否棄養.
但據過往經驗, 主人一旦將狗狗帶入狗場, 狗狗被領回的機會不大.
    假如你也希望跟我們一起去狗場探訪狗狗給予牠們一絲溫暖快樂,
請email 我: iristsan@hotmail.com , 我會盡快與你聯絡. 或可於以下兩組義工隊伍: 清潔組 http://hk.myblog.yahoo.com/misswswong/index?l=f&id=22 及 美容組 http://hbelvin.mysinablog.com/index.php?op=ViewArticle&articleId=1367284 報名. 謝謝! 狗場真係好需要義工幫手, 場內d狗狗個個都好乖, 個個都好抵有人錫.
12월 8일 不是三分鐘熱度我已知道我對攝影不是三分鐘熱度.
考慮了很久, 並且添置了不同"架撐",
知道這將會是我繼飼養狗狗之後, 另一終身興趣.
但為何現在的我好像並不太熱衷這門事項?
因我知道現在的我要全心全意投入到狗狗處,
帶四千金去拍照, 若要拍得好, 那便要犧牲照顧她們跟她們玩耍的時候.
難道可以跟鈴鈴邊玩拋波邊替她拍照? 暫時的我恐怕未有如此功力吧.
我知道人生裡還有很漫長的路要走, 慢慢來吧! 知道自己的路要怎樣走便行.
相信短期內我也不會再置新相機, 我有很長的時間去把玩我的D3. 12월 3일 污染秋高氣爽, 上星期五Ringo 攞左日假, 諗住一家6口去大拗門郊遊順便同四個女映吓相.
去到, 發現遊人眾多, 不過垃圾仲多, 幾乎通地都係垃圾.
有膠樽, 零食包裝紙, bbq 叉住成塊嘅豬扒, 雞翼, 唔知咩骨, 仲有菠蘿腸仔, 蝦條薯片通通週地都係.
去到四千金好開心呀, 好似去左美食廣場咁週地執野食,
no 左好多次梗係無用啦, 四千金睬我地都有味.
最後唯有"走"!!! 但山長水遠去到未夠半個鐘就走真係好唔甘心,
既然帶左相機, 臨走前要映低d罪證.
d人成日話d狗同狗主整污糟d地方, 你睇而家係邊個整到我地美麗嘅郊野公園污煙漳氣!
鈴鈴週地執野食好開心, Ringo 即刻同佢上番繩!
睇吓Ringo 個樣幾谷氣!!
|
|
|
