今日係北京, 咁啱今日呀妹又黎, 好野, 一齊去邊爐lu!

去左小肥羊,,,,涮呀涮呀, 食左好多, 好抵食呀.

2個人食到捧住個肚.

d羊肉好鬆化, d菇又好新鮮,

仲有鮮割豆苗, 服務員仲問我地要唔要外帶d豆苗根番屋企栽種.

唔洗啦唔該.

 

若你養狗狗, 有否考慮過自己的經濟狀況許可嗎?
我知道養狗平有平養, 貴有貴養,
但最基本的狗隻牌照, 瘋狗症疫苗注射, 晶片,
你會替狗狗安排嗎?
若狗狗生病, 你可會帶牠去睇醫生?
試想, 獸醫的診療費用也不算便宜.

另外你同你的家人關係好嗎?
佢地願意幫忙照顧狗狗嗎?
你番工唔係屋企, 狗狗吠好嘈會點?
狗狗起初四週圍尿尿屎屎會有不滿嗎?
你會有耐心去教導佢嗎?

很抱歉我問太多問題, 很煩,
但我寧可你而家覺得我煩而唔要隻狗,
都好過將來你覺得隻狗煩而到時先離棄佢.
希望你明白我煩的原因, 希望你唔好介意.

今日收到電話, 有好心人希望收養狗狗, 好開心.

晚上收到對方email 張相比我話我知想要邊隻,

一睇......大鑊.....都唔係我d相黎嘅, 點好?

可能係有好多好心人幫手fwd 再 fwd d mail, 攪錯左.

 

唯有覆番mail比佢話呢d先係我post 嘅bb相,

比佢睇吓合唔合眼緣.

希望對方唔介意d相比人攪錯左啦.

因為佢真係想收養架!!

真係好想幫到佢地! 之後佢地個媽媽會絕育, 咁佢地就可以過安樂日子架啦.

 

今日做左件好開心的事.

青衣10隻唐狗出左第一隻.

雖然只是一隻, 但也是一個好開始吧.

好朋友ca一向對唐狗也是情有獨鍾,

連帶gary也愛屋及烏, 看見他對小狗的細心,

嘻...他也很喜歡小狗啊!

是緣份可以令小狗有個幸福的家.

狗狗家庭亦願意替狗攞牌及絕育,

希望好事繼續來, 狗狗家庭開心, 新養家庭開心, 我也很開心!

是神的恩賜讓一切進行吧, 感謝神.

今日台北番香港, 係香港transit, 開電話, 打比ringo傾一陣,

收線後收到有留言message, 一聽:

呀曾小姐, 我係動物醫生嘅義工我姓楊嘅,

就想話比你聽呢呀查查呢上次考試呢就已經係初步合格架啦,

咁遲吓我地就會再安排見獸醫嘅, 咁我到時我會再比電話架啦, 拜拜.

 

嘩,,,開心到跳起, 好似個女考左入名校咁, 終於明白d子女考到入名校點解d家長咁開心.

查查真係叻女! 雖然考前都好有信心, 因為查查一向係人面前好定當,

但都擔心考試時無爸爸媽媽在場佢會否表現出緊張而導致肥姥.

聽完電話跳起左幾次立即forward 個留言比ringo, 真係好開心呀.

連d同事都鄧我開心呀!! 真係好開心呀!!

有機會我一定要話比陳太(即係帶查查番屋企,

令佢由流浪狗搖身一變成為家犬果位好心太太)知呢個消息, 佢一定好開心.

小查查又一次証明比大家知流浪過的街狗, 唐狗, 都可以咁乖咁定咁聽話.

查查媽媽錫晒你!

 

 

蘋果post左個狗狗和主人行山的故事,

ringo 再幫我在網上找到原文,

見到狗狗好乖好開心咁同主人去行山.

 

此行山大不同於行青衣自然徑或城門水塘之程度,

看過照片後自問也怕山路崎嶇, 我不怕查查或diamond 行不成,

只怕要二位千金反過來照顧我這主人吧.

看完真是令人會心微笑.

 

主人有強健體魄, 行山之餘還有心思替狗狗拍照和拍短片以留下美好回憶.

如此主人, 真性情也.

但願所有香港人也以此作為榜樣, 愛自己及愛所有動物.

又係火炭日, 去到, 得我, 呀妹, ringo, 同雄哥係度,

心想,,,,,屎....唔係得我地幾個掛, 心知shirley 佢地會到,

emily 會到, 呀nic話會黎, (但佢後來放左飛機)

鄧生鄧太會黎, 而路得會義工上次聯絡過話ok,

但義工領袖今次唔得閒黎, 佢只安排義工前來,

但我亦擔心有閃失,

 

首先emily 到左, 搬左無幾耐, shirley 同jennifer同tony 都到.

再之後好彩其他義工亦陸陸續續到達, 好驚呀!

搬搬搬, 搬完糧再搬屎搬垃圾,

之後ringo 同雄哥仲要搬個壞左嘅雪櫃落山再去垃圾站....shit!!!!!

之後再同狗狗沖涼, 有d狗狗d毛一餅餅kick 到洗唔到要剪.

有d又唔肯沖, 真係有d氣餒, 之後再洗場, 執埋野攪到8點幾同shirley 佢地一齊走,

大家互相扶持, 要努力呀!

 

好在媽媽好強壯, 夜晚仲同ringo帶查查去考 dr.pet.

自問查查小姐對人友善, 鍾意痴人, 仲任摸唔嬲仲要反晒肚咁.

早前報左名, 今日終於去考試.

唔知結果係點, 因為主要考核過程主人係唔在場的, 要等通知.

都有D怕查查無媽媽係身邊會唔會表現得好緊張.

但都考左咯, 大吉利是唔合格就下次再考過啦.

 

等待中有其他狗狗在場. 有好多都好鬼曳 ,

d主人又由得佢地放晒繩,

有d係咁狂索查查, 有d仲想un 查查,

有隻單眼細狗仲兜口兜面撲向查查.

我心諗你地買棺材唔知定, 若係兩三年前嘅查查,

晨早K.O o趙晒佢地, 好在查查而家乖. 媽媽錫錫!

細問單眼狗主人狗狗單眼的因由,

狗狗係領養的, 佢只知佢細個比金毛咬爆眼, 唉!!

邊個主人都好, 金毛錯還是小狗錯都好,

管教好自己的狗狗是最重要, 否則有損傷大家都唔想.

 

又想吹噓一番, 但又怕少氣.

 

禽日昨大病, 火燒喉嚨, o辟嚦頭, 仲要番通宵更.

心想放工實打敗仗.

終於挨到朝早放工番到屋企, 個頭好似想爆炸咁, 仲wingwing地發冷. 

立即沖個超熱水涼, 頂住先. 

有d想叫ringo同3個女洗腳腳, 但好歹咬一咬牙, 都係等我黎.

快手快腳, 洗完腳吹毛毛, 食豆豆, 自己再啪2粒vitamin c 同 panedol,

立即同媽媽上床瞓覺, 熄電話大昏迷....唔好嘈我.

瞓到5點幾, 咦....ok 喎, 喉嚨無咁痛, 個頭無爆炸喎, 好似好番好多.

又同d女講: 媽媽是強壯的Alpha dog, 永遠可以保護愛錫你地!!

 

p.s 發現李斯得林漱口水對付喉嚨痛有7成療效, 一o郎完口,

個火燒喉嚨好似比水淋熄左咁, 舒服好多.

心感三位女兒很久也沒吃新鮮食物了, 晚上便到超市購物.

於是今天她們的晚餐有燕麥魚仔翠玉瓜加50克狗糧. 

明天亦會有雞柳作為餸菜.

看見她們吃得津津有味的樣子真滿足.

查查更只消一分鐘便狼吞虎嚥地完成她的大業.

 

新的一年希望自己要勤奮一點,

多煮點好東西給三位女兒吃. (當然也要煮點給ringo 和自己吃.)

雖然已盡量挑選品質成份好的狗糧給她們吃, 也是所謂的天然糧,

亦查看每年全美十大好品質的狗糧品牌.

又上網研究各大牌子狗糧的成份,

更不能添加任何人造物質例如vitamin k 這種可能致癌的補充劑等等.

但長期吃乾糧, 真的太熱氣吧, 人每天吃有營養的餅乾也許也可以活得很好. 

而且餅乾也總會有成份是非天然的在內吧. 何況是狗糧!

若狗狗年老時有肝/腎衰竭等病症, 狗糧可會是一大原兇?

香港法例又好像沒有監管動物食品的條例, 很沒保障啊!

還是花點時間心機, 多炮製一些愛心新鮮食物給大家吃吧!