iris님의 프로필千足純金之家歡迎大家光臨, 請隨便參觀, 歡迎留...사진블로그리스트기타  |  도구 도움말 |
|
4월 30일 好玩一天今日第一次參加唐狗會的活動, 好開心呀.
見到好多唐狗, 有好多隻diamond 呀.
反而查查就變得好似番狗咁,
而鈴鈴就成為弱勢社群.
不過今日好開心見到dickyuen 同jacbe 加 edwardsi 同jaguar 呀.
佢地同佢地個師父果team 一齊黎做示範表演, 佢地好犀利呀!!
淨係睇佢地同狗狗表演都學到野, 獲益良多, 又上了一課.
另一樣開心就係查查今日係玩服從遊戲度勝出.
其實 jacbe同 jaguar 都有玩, 佢地表現當然係超晒班.
但因為查查係遊戲之前討得很多會員歡心, 深受眾人喜愛,
而遊戲結果以眾會員投票決定, 所以查查可以僥倖成為冠軍.
哈哈.....真係有d慚愧.
而今日去錦田果度個環境真係好正,
因為有成個足球場咁大的草地之外, 個場仲係圍晒鐵絲網,
唔怕狗狗逃走, 真係玩得開心又放心.
有咁大嘅草地, 眾唐狗梗係喪跑啦!
diamond 同查查跑到索晒氣, 而鈴鈴都跑左好多.
鈴鈴跑唔緊要啦, 因為個草地好厚好軟無咁易受傷.
而今日我估有成50隻狗, 隻隻都好乖.
比多d人知道唐狗都可以咁乖就好啦.
4월 29일 討厭胡亂繁殖的行為聽日參加唐狗會的活動, 好緊張呀!
聽講有成百人, 狗狗數目一定唔少.
希望多d人知道唐狗或混種狗都可以好乖好聽話同好叻!
好期待聽日的活動, 又可以認識多些志同道合的朋友.
大家會認同絕育的好處,
會鼓勵領養狗狗唔贊成買狗狗,
更會否定坊間胡亂繁殖的行為.
一直不斷有人話要將自家狗狗配種留後,
我覺得淨係先要肯定狗爸媽無遺傳病呢一點,
已經無可能完全知道. 通常自家繁殖的狗爸媽,
都未必有晒佢祖先的資料, 更無可能知道佢祖先有無病.
遺傳病呢一樣野, 尢其lab的髋關節問題,
就算你隻狗有perfect joint 並不代表佢無髋關節病的隱性基因.
隻狗本身好好並不保證佢嘅下一代都一樣咁好.
除非係專業繁殖者, 佢地有晒隻狗祖宗十八代的資料,
隻隻都無病隻隻都話係champion,
咁就可以話比人知佢隻狗應該無髋關節問題,
但也並非百分百, 只可以話機會好細.
另外作為自家繁殖狗狗的主人,
係繁殖前應先要替未出世的狗bb尋找家庭.
否則到bb出左世而又未搵到好人家, 於是求其搵人要,
對方未必係真正愛狗之人之餘,
更可能因為得來太易而唔會珍惜及愛惜狗狗.
到頭來都係苦了狗狗.
各位想繁殖狗狗的人, 請三思三思!
4월 26일 hold 住, 請等等!本來今日要帶胡太的狗媽媽做絕育,
但前晚終於收到spca 的絕育資助計劃的 $300 coupon,
即刻hold 住手術先, 再研究過都係spca 做抵dd.
就算加埋入會費都係佢平少少.
今日就同胡太去九龍spca入會同即時book 埋手術日期.
而家做住2隻狗媽先, 遲吓再做埋d bb女.
但手術費亦唔平, 未扣資助的 $300都要差不多 $1000一隻,
但一個主人只可以有資助2隻狗的quota, 之後d bb 就要full fare,
希望可以籌募多d經費啦.
4월 23일 努力加油今日ringo 帶鈴鈴去上水同 samba小姐興祝生日,
我要番工無得同女女去玩.
雖然早兩日星期五已經同三位大小姐去過綠洲玩樂.
但今日有咁多朋友仔一齊去, 之後仲有3G現場直播, 唉....令我更加不是味兒.
上班途中有D想喊嘅感覺......灰灰的.
 但又想,,,今個月又黎超OT......我要努力番工以完成我一百零三個鐘的大業.
放工, RINGO 話雪櫃有LABCLUB 廚神 CANDY 整的桂花糕,
錯......應該係杞子圓肉桂花糕, 太好味太令人感動啦,
為我沈悶的生活增添味覺享受, 多謝candy!
下個月小鈴鈴原來要考豁免試, (好壞的媽媽好唔上心!)
搬糧日期可以改, 但考試日期無得改,
點都要SICK 一日, 唔係我唔想番,
我有REQUEST 過, 係你唔比咋.
我都唔想.
4월 21일 絕育今日終於 FIRM 左25號同2隻狗媽做絕育.
之前問過SPCA, 又問過非牟利獸醫診所.
狗女絕育價起碼都要過千, 好貴.
跟住今日去麥花臣問吓博一博,
佢收我 $1800 兩隻, 即刻BOOK.
快D做左唔洗成日心掛掛.
之後仲有3隻BB女遲D做埋就一了百了.
仔仔就算啦, 無咁多$做.
睇黎剩餘呢6隻BB出嘅機會都好微.
佢呢2 隻媽媽偏偏又無全黑的BB.
因為原來好多人都想養全黑的狗.
但真係一隻都無. 好可惜呀!
因為有2個人都想養BB但只要全黑色的.
無法啦.....
咁啱見有個狗場好似有黑BB仔.
希望安排到有人收養啦.
幫得幾多得幾多.
有時唔得都勉強唔黎. 係你嘅始終係你嘅.
4월 11일 有病唔係最近, 係都幾耐, 發現自己映相時(尢其唔知比人映無望鏡頭時)經常眉愁心鎖, 唔識笑.
平時個人仲好嚴肅, 過份認真, 一d幽默感都無. 人地講笑話唔識笑不特止仲只有冷笑, 仲覺得一d都唔好笑. 仲成日嫌呢樣嫌果樣...... 心諗...呀公以前好似係咁, 呀媽都好似係咁, 唔係掛, 好敝架喎!! 關唔關番工事?唔關係! 而家番工我都好開心. 總之佢想點就點, 佢叫做咪做, 無所謂. 總之有得食又無投訴, 咁就好啦. 自上次公司同我找左條9皮野嘅數, 即刻覺得公司對我好好, 即時貼貼服服, 衷心願意成為公司忠心的奴才. 係咪人大左無以前咁天真一臉稚氣? 有時瞓醒覺第一眼望吓塊鏡見到自己兩邊嘴角向下彎嘅? 自問已經覺得自己好幸福, 無所欠缺, 要有嘅都已經有. 但為何經常覺得唔開心? 係咪呢個世界太多悲慘嘅故事而自己又愛莫能助? 忽然間覺得自己可能有情緒病. 唐狗會唐狗會4月29日有活動, 嘻嘻果日放假,
地點係小欖都幾近我地喎,
果度重有個沙灘可以比呀女游吓水,
叫ringo 報名去認識多d新朋友先.
http://mongrelclub.hk/modules/wordpress/?cat=2&author=16
4월 4일 越大= 越細? no way!!查詢有關領養狗狗事宜的email一直收到不少.
但實質願意或有能力去領養的, 真的寥寥可數.
有些人年齡太細, 其中最小的一位只有13歲.
有些人居住的地方跟本不能養狗, 例如公屋.
有些跟本是一些很無聊的人, 不斷跟你胡扯,
說自己可以要多少隻, 電話也談過幾次,
到最後原來是別人玩樂的對象,
我一點都不覺得她好玩的程度有多大.
這的確令我有點無奈, 也令人十分氣餒.
狗狗們一天一天的長大,
牠們被領養的機會便越來越細.
不, 我是一個不願意輕易服輸的人, 我是一頭頑固的牛.
主啊, 求你賜予我力量, 好讓我繼續努力為狗狗們謀求幸福, 阿們. 4월 2일 工作犬今日同ringo 一齊帶左2隻狗bb去新屋企, 真係好開心.
新主人一家四口, 今日見到三口,
佢地會幫狗狗打針,度虫, 有病會帶狗狗去睇醫生.
看得出佢地可以比到狗狗有不錯的生活. 我唔奢望佢地有個好溫暖的家, 因為狗狗將來要工作.
但求佢地有個安樂窩, 同埋生活條件會好dd.
起碼佢地唔洗同其他7隻狗bb係混亂的環境底下爭野食爭地位.
新主人家中有2隻小牧, 一隻都已經好老, 一隻就後生d.
去到見到bb佢地十分友善,
初初我都驚老牧會唔likey 佢地,
但年紀雖大, 但精神依然好好,
仲跑來歡迎同聞聞吓2隻新狗, 真係令我好安慰.
牧羊狗真係一種性格好溫純的狗狗.
狗bb暫時會同新主人一齊住, 順便跟小牧學吓規矩.
再大d佢地就要工作, 佢地要守衛主人的貨倉.
有d杞人憂天唔知佢地做唔做得黎.
但我亦深信唐狗係好優秀的狗狗,
佢地可以好快適應新生活.
狗狗你地要努力呀!!
你地要為你地將來的命運而奮鬥落去.
你地要做一隻稱職有用的工作犬,
希望你地有美好的妁前途和生命,
祝你地工作順利, 努力呀.
4월 1일 優差聽日有人去領養2隻狗bb, 心情有點緊張.
狗狗將會做貨倉守門大將軍, 希望佢地新主人會鍚佢地啦.
雖則看門口都唔太係一份優差, 但起碼有出路.有2餐飽飯食.
若佢地咁多隻留係青衣, 暫時黎講同媽媽一齊係安全,
佢地仲細仲得意, 跑黎跑去d人都唔會好反感.
但到大個左, 佢地主人都係唔會好好教導d狗狗,
又唔困住佢地, 都係咁比佢地通處跑, 嚇親人, 就會有人投訴,
之後就會有漁記黎捉狗, 據聞對上一次就係咁.
為左唔想慘劇重演, 希望再有多d狗狗可以比人收養啦. |
|
|
