iris님의 프로필千足純金之家歡迎大家光臨, 請隨便參觀, 歡迎留...사진블로그리스트기타  |  도구 도움말 |
|
5월 31일 發現一件diamond 心愛的玩具帶3位大小姐到寵物綠洲玩, 以為一如以往, 總是鈴鈴一馬當先跳下水池. 而查查跟diamond 只有望的份兒. 因她倆並不太熱衷游泳這個項目. 但今日, 小didi有心愛的玩具, 便把所有恐懼通通拋諸腦後. 一股勁兒噗通一聲跳到水裹面. 這個玩具, 上次diamond 係綠洲見人玩, 她愛不釋手的想把人家的玩具據為己有. 並不惜跳落水的危險, 誓要得到對方的玩具. 有見及此, 媽媽當晚馬上去找一個一模一樣的黃色芒刺, 小diamond 喜愛此芒刺的程度, 令我十分雀躍. 因為可以利用佢鍾意玩具時的佔有慾去作出訓練. diamond 越想得到, 佢就越要專注我的指令, 佢做到指令先可以得到佢心愛的玩具. diamond一向都係好心野的. 每樣玩具都係3分鐘熱度, 玩一陣就唔玩, 所以要好多花巧野. 同鈴鈴玩波波可以玩好耐鈴鈴都樂此不疲, 但小didi,,,,唉! 玩一陣就拋低個波行左去, 令我好無癮, 有時唔想比佢覺得悶, 玩兩吓就收手, 又要同佢玩第二個遊戲. 但小didi真係好醒, 同佢玩追波, 佢一定快過鈴鈴, 同佢玩search, 佢聞野都勁過鈴鈴. 以為鈴鈴係拉布拉多, 可以做緝毒犬, 嗅覺一定好敏銳, 但diamond 同鈴鈴一齊玩search, 總係diamond 搵到先. 唐狗真係係好利害的品種.
5월 30일 今日去左寵物綠洲今日天朗氣清, 真係好好天, 由屋企可以睇到好遠仲好清晰, 就好似大近視配左副眼鏡咁.
連窗邊d雀仔都活潑左好多, 係咁飛來飛去跳來跳去, 吱吱喳喳好熱鬧.
天文台仲話呢陣子吹南風, 晴天會持續幾日, 正正!!!!!!
見今日天氣咁好, 自己放假又點忍心唔帶呀女去玩. 天氣好, 咁就梗係去游水啦.
得自己一個, 近近地, 都係去最方便的寵物綠洲啦.
於是, 我同3個女就懷著輕鬆愉快的心情起行啦.
唔好睇閒日, 原來今日都好熱鬧, 有幾隻金毛同husky 已經玩緊.
鈴鈴又一貫作風咁, 發左狂係咁自己跳落水,
而查查同diamond 亦好理所當然地只限於浸腳活動,
但今日.........diamond 佢同平時稍為有些少唔同........
嘿嘿嘿..........因為今日, 我帶左一樣好重要嘅野............
very bad girl 查查!!話說昨日同三個女落街, 跟平常一樣, 到L4玩.
由於查查之前不時發生走狗事件, 因此只可以有限度地放繩.
每次經過某高危位置便一定落番繩, 以免有閃失.
查查走狗的原因只有一個: 就係追貓, 佢好似同貓有不共戴天之仇一樣,
每次見到貓就好似顛左咁不顧一切拼命係咁追.
佢知道山上有貓, 所以一有機會佢就會逃走,
之後一躍而過超過5尺高的矮牆, 上山尋找佢嘅目標.
但禽日BAD BAD 的事件同追貓無關.
我地正係入面玩緊, 查查好似好乖,
可以放繩好開心之際,
DIAMOND 發現有一人一狗都落黎玩,
於是就一支箭咁標左去歡迎人地啦. (佢都好BAD!!)
而查查亦唔蝕底緊隨其後,
我大聲喝止亦不得要領.
之後我再大喊一聲, 終於跑回來.
心想, "算你啦!"
正當我想GOOD COME 佢地的時候,
對方抱住小狗走過來話:" 流血!"
因為對方係印尼姐姐, 所以用不太流利的廣東話只說兩個字.
我心一沈, 肯定係查查所作的好事啦!
向對方馬上道歉, 並先確定係咬到人定狗, 再確定傷勢.
原來對方小狗的PETPET比查查咬到, 仲有2個窿流緊血.
我好心痛, 我家查查所做的好事!!!!
馬上替查查上繩, 孤立佢埋一便.
再幫小狗檢查傷勢, 好明顯有2個窿!!
立即先止血, 並建議對方到我家清洗消毒傷口.
於是一齊上我家.
途中, 印尼姐姐都有放小狗落地自己行,
而小狗亦好似無咩事咁行得好自然仲仍舊遞腳尿尿.
此情此景, 我個心都定D.
上到去,,,洗傷口, 跟住仲順便沖埋涼,
再睇睇傷口, 血已停左, 狗狗又好生猛.
一路我都有同對方同狗狗SAY SORRY, 好對不起.
之後印尼姐姐都話無咩野要走啦.
咁我就送番佢地番屋企啦.
係事件發生之際我都有諗查查會唔會"DURNG" 人PETPET,
因為佢以前好鍾意咁樣蝦D細狗.
但最近呢一年佢都無咁做過, 唉.....
又要由頭黎過, 媽媽好失敗!!!!
5월 25일 又去白腊今日又去白腊呀, 不過今次好多人, 沒上次咁好玩啦.
而沖涼果度又多人, 分薄左d水令到d水流得好慢, 幫呀女沖涼沖得好辛苦呀.
不過佢地都係咁開心. 小鈴鈴有得游喪水之餘, 查查同diamond 又有得喪跑.
今日查查同小DiDi 都有游出去深水腳唔到地的地方.
因為我同ringo 同鈴鈴都出左出面,
而小diamond 跟住無端端自己游出黎,
而查查見diamond 游出黎, 佢只好硬著頭皮都游埋出黎,
以示佢唔驚, 佢都識游, 因為佢唔會比diamond 叻過佢.
查查係從來都要認叻的, 因為佢怕瘀皮, 查查從來都愛面子的.
不過佢地兩個游一陣又即刻游番上岸. 好似驚深水有shark 咁.
而今日都有好多不同的狗狗.
而今日都同呀女映左好多相, 但今次映的好似無上次d咁靚,
但有得去玩, 見到佢地開心我都好好好開心呀!!!
5월 19일 4日又要離家4日, 屋企三位女兒有ringo 照顧, 但胡太果邊果隻狗媽又點.
呢幾日希望呀姨捉得住佢啦. 如果唔係佢個肚越來越大就幫唔到佢啦.
其實上次見佢都已經見肚, 都唔知佢個肚有幾大.
可能聽日就生, 咁點好.....? 又係狗bb, 又搵唔到人要,
而家胡太果度已經成10隻狗, 加埋佢地呢度, 真係唔想諗.....
唉..... 5월 17일 生殺之權重諗緊大肚狗媽的問題.
下晝同animal communicator Kitty MSN 過, 佢話如果我地同狗媽墮胎, 佢會好傷心.
因為狗媽自己知道有BB, 佢已經有做媽媽的心理及生理準備.
如果我地做, 佢唔會明白點解我地咁做.
佢地無人諗得咁複雜, 無話因為環境唔訐可而唔生BB呢種諗法.
之後又諗: 我無操生殺之權, 點解我要諗做終止懷孕手術.
點解我唔比狗BB出世, 我憑咩可以咁做? 我可唔可以同我有無權咁做.
係唐狗會度問同一問題, 徵詢大家的意見, 大家都建議我地幫狗媽媽做手術.
事到如今唯有順其自然啦. 如果狗媽可以肯比餵開佢果位呀姨拖得住, 咁就做,
如果拖唔住又唔肯, 咁就順其自然, 好嗎? 5월 16일 一波未平一波又起今日歡天喜地咁同呀ca上胡太度, 準備帶黑妹同白腳去拆線.
上到去, 點解有隻大肚狗媽媽嘅?
唉..........見到佢, 佢又見到我地, 就跑開匿埋左.
心諗........唔la係呀.....又有?! 頂!!!! 心中咒罵著不少詞語.
去到問胡太, 佢話原來呢隻係白腳嘅姊妹,
但以前比白腳兇左出門口, 咁佢就自己係村度流浪.
唉..........點解咁架? 點解之前唔好好處理佢地!!!!
見唔到都可以扮唔知唔見唔理,
但見到就唔可以唔理.
要下狠心......要墮晒佢, 唔係可以點?
生佢地出黎, D 狗BB又係無人要, 始終都係死路一條.
問SAA, 佢地話隻狗見肚就唔做.
問SPCA, 佢地一開波就話隻狗個主人要係會員,
跟住介紹入會費分邊幾種有邊幾個價錢等,
之後又話要比醫生睇過先至可以決定做唔做.
而診金大概2百幾蚊左右......之後手術費另計.
唉, 佢講嘅野, 我一早知啦.
好....再問吓麥花臣, 又要成3千幾蚊!!
唉.......唔做, 唔通又等d 狗bb出晒世先至同佢地做?
到時做漏一隻咁又前功盡癈啦!
打比shirley 求救, 叫大家籌定醫藥費.
再打比呀亮, 再問佢有無相熟獸醫,
佢比左九龍城柏域個電話我叫我打去問.
好啦....但醫生佢而家做緊野, 過一陣又打去問,
個護士姐姐重開我5千幾蚊, 我躂朵,
佢又話老細出左埠, 佢揸唔到主意.
可以點好?
5월 14일 再去白腊5月12日同鈴鈴考完豁免試, 就番屋企接埋查查同diamond 一齊出發去白腊啦.
今日天氣好好,唔太熱但又好好天.
去到北潭涌, 轉的士入白腊啦.
三個女坐的士都好乖, 到啦!
行落沙灘,,,,嘩! 成個灘無人呀, 正呀!
跑呀跑, 跳呀跳, 游呀游, 好free 呀!
鈴鈴係咁衝落海, 佢真係好愛個大海.
而diamond 同查查就係淺水區同岸邊喪跑!
好正呀, 重映左好多相, 有幾張我自己都覺得好靚呀!
覺得自己親手捕捉到 女兒的神情,
同佢地映d靚相, 真係好有滿足感呀!
玩到咁上下, 人開始多, 我地便去士多沖身同食野,
之後就番屋企啦!
白腊, 真係夏天嘅好去處. 5월 13일 考完豁免今日是大日子啊, 期待已久鈴鈴的豁免試今日終於要考啦!
回想上次查查考完之後收到合格通知, 寫左自己第一個blog, 到而家....時間真係過得好快. 早幾次想考唔係個試full左就係漁護處收唔到考試申請, 今次終於可以考啦! 早期唔考, 因為怕第一部分會唔合格. 第一部分要接觸陌生人, 而小鈴鈴細個時唔鍾意比陌生人摸, 尢其是男人就更加唔喜歡. 至於第二部分考服從的一部分, 以小鈴鈴一向的表現我都好有信心. 小鈴鈴細個係高竇妹一名, 唔係個個都摸到的.
如果有人想摸佢, 佢唔likey就會避開, 令人好無癮的. 以前細個佢除左同爸爸媽媽玩之外, 就只會同樓下隻威馬嘅主人玩, 唔會同其他人玩的. 因為威馬coffe 係鈴鈴青梅竹馬的男朋友, 所以愛屋及烏, 連佢主人都愛. 但小鈴鈴而家大個女啦, 佢亦認識多左唔同嘅新朋友同佢地嘅爸爸媽媽,
所以佢知道大部分人都好友善, 於是性格開朗不少, 無咁裙腳妹, 而且自有diamond妹妹加入呢個家庭後, 佢不時都要表現出家姐風範, 以顯示佢稍稍高一級的地位. 自此, 鈴鈴於性格上真的成熟了不少. 考試當日, 天氣好好, 因為早上考, 就算有太陽都唔太熱.
知道下畫考果d好慘. 因為個地晒到好慶, 隻狗怕熱會唔集中. 個朝都好多人吓, 我地去到, ringo 就扮離開因為以免鈴鈴分心,
之後ringo 就係不遠處睇住我地. 入到去都要等成5/6 隻先有得考. 去到見到今次出網球喎!! 個心諗"有d大鑊!", 因為驚鈴鈴會去追個波. 但又諗, 鈴鈴咁乖, 唔會嘅! 等待期間, 都有好多狗狗同主人陸續到來. 有d係度繼續做訓練, 有d坐埋邊集中要靜靜地. 而我同鈴鈴都好輕鬆, 有玩抱抱有跑小步玩追媽媽又有食雞肉條. 好開心, 因為覺得好似溫晒書入試場考試蠻胸有成竹的感覺. 到我地啦, 第一part, 要去接近一隻狗, 今次係一隻好馴的唐狗, 鈴鈴行埋去望都無望佢, 淨係用有d奇怪的眼光望住我. 第二part, 鈴鈴要係我視線範圍外比獸醫檢查同周身摸, 亦係我之前擔心的一部分. 我當然睇唔到鈴鈴的情況, 但ringo 係另一邊, 佢話ok喎, 咁ok啦! 之後要行圈啦! 一路都好順利, 又stay 得好好. 到最後同隻狗相遇小鈴鈴都係聞吓對方, 之前我都有d擔心因為今次出隻金毛, 佢地會唔會撩玩呢? 又無喎, 聞幾聞之後又跟媽媽行啦. 一切安好, 順利, 應該合格掛! 小鈴鈴叻叻, 出街小鈴鈴就最乖. 媽媽永遠最疼愛是你小鈴鈴! 5월 11일 試衫今日去左試衫, ok 啦! 茵茵同媽咪都有一齊去.
不過其中有件綠色我好鍾意, 但佢地兩個都話唔好,
話太casual, 唔似新娘衫.
但唔理啦......我自己覺得ok咪得囉嗦! 件衫著得簡單又舒服.
件婚紗已經大"降" 又大條夠晒閃夠晒誇.
件紅色類似旗袍的物體已經俗不可耐,
不過做新娘跟本就係要誇張,
一世人就係呢一次先會著呢d衫, 是但啦!
不過而家起碼有一件綠色我自己都鍾意咁就開心d!! 5월 5일 期待心裡點算過, 早幾天帶查查去Dr.Pet 作健康檢查, 若合格, 今天應該收到合格通知及出席講座通知.
今天盼望著, 嘻嘻, 終於收到信了. 而當日未能即時收到信的謎底亦解開,
因為查查舊有的狗隻牌照已經過期, 而新的紀錄我又未向 Dr.Pet 更新,
於是Dr.Pet 便隨健康合格通知之信內要求我於出席講座當日帶備查查新領的狗牌及其副本.
沒問題之至!
查查, 你成為醫生之路不遠已! 媽媽很期待你成為實習醫生之日! 你要和媽媽一起努力啊! 心安理得今日去探過黑妹同白腳, 佢地精神好好!
因為怕狗bb會攪佢地個傷口,
同埋唔可以比佢地四圍走.
佢地帶住個頭罩, 而家綁係屋入面,
叫做休養吓, 抖吓.
起碼叫做d野, 唔可以明知有蝨而唔理.
做得幾多得幾多, 自己心安理得些少.
5월 4일 手術成功下晝, 同呀ca 帶番黑妹同白腳番青衣. 因為胡太要等佢對仔女放學, 所以唔去得.
去到, 要比醫生b 一 briefing, 可能佢唔滿意兩隻狗嘅身體狀況. 不過我都係.
佢地身上有flea+ticks, 要我地同佢杜, 一次兩次我做得到,
但之後的日子.........胡太願意嗎? 佢地願意花錢買frontline plus 嗎?
另白腳個鼻係做手術時不斷有少量液體滲流, 醫生話可能肺有些少水,
又可能係麻醉的反應, 但聽肺又聽不出有問題.
另外白腳亦對人有d惡,
所以幫佢傷口做溶線唔洗拆線.
而黑妹乖乖就可以用番正常的線.
其實狗狗係胡太度, 雖然唔似得我屋企3個女咁嘆,
但起碼有溫飽, 有瓦遮頭, 唔洗出去搵食, 打生打死.
而家做埋絕育, 對大部分的唐狗來講,
已經好不錯了.
當然, 如果佢地嘅生活可以改善就重開心,
但.....其實佢地之前果次無比漁護處捉走已經好好彩.
希望唔好再有人去投訴叫漁記捉狗,
果次執一身彩, 希望佢地大難不死必有後福.
祝你地好運啦! 5월 3일 一切順利今日終於帶左胡太2隻狗媽黑妹白腳去spca做絕育.
由一開始知道胡太呢2隻狗媽媽生左10隻狗b後,
即刻想同佢地攞狗牌做絕育,
攞牌就好快攪掂. 但狗媽要餵奶, 要等佢收水先做得絕育.
到之後搵人收養狗bb的反應又未如理想,
而做絕育手術又好似好貴唔知邊度可以平d,
就算先做2隻媽, 之後再做3隻狗b女一共5隻都好昂貴.
開始好愁! 覺得自己好似好無用, 咩都做唔到, 感到好失落.
到後來知道spca做絕育, 每個主人最多可以有2隻狗女扣減$300,
負擔得來即刻book 時間做. 到今朝帶佢地去, 我個心踏實左不少.
今次兩隻狗媽坐車定左好多.
上次同佢攞狗牌, 佢兩個勁驚勁暈車浪又流口水同嘔之餘,
黑妹仲係司機位側邊開大大!!
我揸緊車又抹唔到, 佢又緊張係度行黎行去.
嘩......之後抹完陣味左而家我都仲覺得有係度.
但今次佢兩個好叻女啦! 知道去街街,
係車度仲識埃住胡太爹吓佢, 見到都開心!
係spca狗狗見完醫生, 辦好入院手續便離開.
係車入面同胡太傾計, 問佢: 唔知狗狗會唔會以為我地掉低佢地比人劏?
但隨即又自我安慰: 我地都係為佢地好, 等佢地唔洗成日比狗公擒,
唔洗再生一d無辜嘅下一代, 世世代代受苦.
一陣同另一位朋友ca一齊去 spca 接狗媽媽番去,
心裡好期待......好似前途一片光明咁! 5월 2일 又一食野好地方今日約左一班好朋友去左沙田食lunch.
點解去果度? 因為朱大爺的孫仔呀大生日囉!
去左麗豪的意大利餐廳食, 幾好呀!
因為可以同狗狗一齊.
今日有nadia, 呀祥, stephanie, 哈生哈太, 朱大爺, 我同ringo.
我地坐戶外, 隔住玻璃有一家人有大有細.
乘機比小朋友近距離睇吓我地d狗狗有幾乖幾得意幾聽話.
隔住玻璃d家長又放心但又可以觀察一下人同狗狗一齊的生活.
真係一個好地方好地方.
午飯過後, 我地一家五口便出發去狗公園游水喇.
今日係假日都幾多人, 不過好在地方大都唔會好迫.
今日仲同女女映左d靚相, 其中diamond 有一張我好鍾意!
游吓水, 又係草地玩吓d障礙, 雖然唔識玩但都好開心!
但 diamond 玩左兩三次就竟然識識地玩穿梭棍!
呢個女真係冰雪聰明, 如果媽媽肯比多d心機,
佢一定會超越查查, 前途無可限量.
但要媽媽勤力......
 呢樣先係最難!5월 1일 查查你健康嗎?今日帶查查去做Dr.Pet 的body check,
哈!!撞到Nadia 同呀祥呀! 原來忌廉都有考今次的Dr.Pet.
好驚呀, 因為人人比醫生睇完都有封信, 但我地無呀!
佢話佢漏左查查D資料但封信會後補寄番比我地喎!!
 呀....唔係查查身體檢查唔合格掛! 我全家3隻狗最健康係佢架啦!
小查無事O麻! 唔好嚇媽媽呀! 查查做唔做到醫生都好,
最緊要健健康康, 考唔考到都係媽媽的好女兒! |
|
|
