iris님의 프로필千足純金之家歡迎大家光臨, 請隨便參觀, 歡迎留...사진블로그리스트기타  |  도구 도움말 |
|
7월 30일 今日去左寵物水族用品展 今日同Ringo 同查查 + Jade 去左機場博覽館個寵物水族用品展,
因為Dr.pet 需要動物醫生出席支持一吓, 所以約左女會長同Samba 小姐一齊去啦.
去到, 如所料都係等待又等待先可以正式開始今日的工作.
而個會場就同平時d狗展一樣都係人多狗多, 迫迫共, 所以d狗狗都好無奈.
好在等待期間, 有好多朋友同狗狗都有到, 好似好友聚舊咁. 傾吓計好開心呀.
後尾好在發現係會場盡頭邊有躂地方可以比狗狗甩繩喪跑幾吓發洩吓,
如果唔係查查係台上實發台瘟.
不過今日查查都爭d跑左落台, 因為佢成日想去搵JJ 同爸爸
 !!好在會長臨危不亂幫我係樓梯口兇番佢番黎我度, 如果唔係就敝啦.
而今日帶埋Jade 去係因為南丫島動物保護組織 都會擺Booth,
所以想帶JJ 去比佢地見吓. 等佢地知佢嘅近況.
今日係會場雖然要等待, 但我覺得OK, 一黎有好多朋友啦.
二黎今日好多唔識嘅狗友見到查查都覺得佢好乖,
我又乘機向佢地宣傳一吓唐狗嘅好處,
希望多D人認識同知道唐狗都可以好乖.
工作完畢, 收工走人, 約左Peter Wong 呀黃博士同Joey 同佢地d朋友一齊去敝公司對開大草地映相.
啊...呢個願望我想左好耐架啦. 成日番工見到咁大草地都幻想可以同d女係度跑吓.
跟住就更加唔願番工. 今日終於達成心願啦. 出奇地唔見有人趕, 只係架車唔知泊係邊好.
唔理啦, 擺路邊, 又ok 喎! 都係一陣o者!
呀女有得跑吓草地, 今日原本係悶d但都攞番個尾彩呀. 好野.
夜晚同會長同3隻狗狗去左dog cafe食飯, 幾多野食同ok 喎!
以後又多一個落腳點啦. 今日好開心呀! 7월 29일 diamond 的由來2006年3月10日, 帶鈴鈴查查去完寵物綠洲游水......係附近貨櫃場外, 見到一班小朋友同一位好心太太, 圍住一隻瞓係地下度的狗bb, 心想, 落唔落車, 落唔落車, 落車就肯定唔捨得走, 唔落車就抱憾終生, 唉…唉, 鬼叫自己遇到, 無辦法, 點都唔可以就咁走左去, 都係要落車去睇睇. 起初見到隻狗b瞓係地下合埋眼, 以為隻狗有唔舒服, 後來先知原來佢係度瞓覺, 心想: 真係天生天養啊! 之後小朋友又去草叢堆捉多隻出來. 係全黑色的, 兩隻bb真係好可愛.
當時我自己本身已有鈴鈴查查, 覺得無法再養多2隻狗了, 於是嘗試幫小狗搵主人. 不久, 有回應, 但我一定要替狗狗搵好主人, 而唔係只要狗狗黎看門口, 他們一定要好好愛錫小狗狗. 因此, 大部份的領養者我也拒絕了.
後來有一家人真的很有誠意地願意收養其中隻, 於是便帶2頭狗b到對方的家作家訪. 起初對方對bb女(即diamond)有意思的. 因為對方家裡有一頭公犬, 佢地怕打交所以想養狗女, 但去到對方屋企後, 由於狗b仔的樣子實在太趣緻, 所以佢地需要諗多陣. 係對方屋企時, 2隻bb仲識係預設報紙位尿尿. 其中女女去啱晒2次, 而仔仔就啱一次半, 因為一次射左去側邊. 佢地話唔知揀仔定女好, 考慮吓之後再聯絡我. 希望狗狗可以快d去新屋企就好啦!
之後, 帶左兩隻bb去獸醫度做body check 兼且打埋第一針, 兩隻bb好乖, 無郁黎郁去, 企定定咁比醫生check. 醫生話佢地身體狀況好好, 好健康, 仲話尢其係耳仔入面好乾淨, 佢仲話唐狗狗好聰明, 學野好快. 聽到醫生咁講我好開心. 心想: 希望佢地快d有人收養啦. 後來, BB仔(原本我地幫佢改名CARBON 卡邦) 已經係4 月1 日去左新屋企啦, 7월 28일 八月十五的陽光想寫呢個topic 好耐........因為真係幾正.
話說敝公司有幾隻飛機洗手間內係有隻窗的.
係飛機上, 窗嘅用處當然唔係比大家打開窗呼吸新鮮空氣,
作用只係比大家欣賞一下三萬尺高空的景色.
但由於馬桶的方向,當使用者如廁時,
必定背向窗戶而非面對着窗,
故此又怎樣用肉眼來欣賞窗外的景色呢.
有次在機上差不多完成最主要的工作後, 匆匆上廁小解,
忽然覺得屁股有溫暖的感覺.
轉頭一看, 原來斜陽的餘暉正照耀着八月十五的月亮,
呵.....很舒服暢快的感覺啊!
擰着頭理直氣壯地看着窗外景色, 光天化日之下上廁,
既有溫暖的太陽照射着, 亦不怕有瞥伯偷窺狂,
這可是上廁的最高境界!
7월 25일 戰國時代1自JJ 加入我家成為一員後, 家中各犬的地位現正在重新排列.
從前以查查為首的隊陣自JJ 的蜜月期過後已一早瓦解,
現在好像處於戰國時代, 群雄紛紛起義, 各懷鬼胎.
首先敗陣下來的, 是爸爸媽媽的寵兒小鈴鈴.
小鈴鈴天生善良, 加上後腿天生不良於行, 更惶論爭寵打架.
加上JJ是一個醋瓶兒, 平日經常見爸爸媽媽擁護著小鈴鈴已經很不是味兒,
於是JJ妒嫉之心不其然演變成為仇恨.
並視鈴鈴為首要目標, 除之而後快.
曾經JJ 咬過鈴鈴一邊耳朵有損傷, 雖然傷勢只屬於輕微,
但已教鈴鈴害怕得連床也不敢下, 因為睡床為JJ 在家中唯一禁地,
鈴鈴以為只要留在床上便是最安全.
勝負已分, 鈴鈴投降後, JJ不再公然挑釁,
爸爸媽媽表面亦給足面子予JJ 較優先的地位,
但暗地裡依然和鈴鈴藕斷絲連, 並將親密關係發展為地下情. 7월 23일 外冷內熱的查查禽日(22/7)晏晝同查查做完Dr.Pet service, 見肚仔餓就去醫肚.
諗吓去邊先, 本想去teddy"s cafe, 但要坐outdoor, 好熱架喎! 都係打退堂鼓.
忽然醒起長沙灣成日經過有間dog cafe 樓上鋪都未去過,
好啦, 去飲杯野嘆吓冷氣都好呀.
去到都幾好啦. 有隻史納莎同 toy poodle係度, 查查都好似好開心咁,
可能得佢一個無其他姐妹同佢爭媽媽同爸爸寵, 而且果度又有好多玩具玩.
不過查查平時係屋企係唔玩玩具架,
次次係屋企玩掉波波佢都係齋睇鈴鈴同diamond 玩, 自己唔玩的,
後來我地發現查查因為怕瘀, 驚唔識玩同追唔到個波所以寧願唔玩.
查查係一隻自尊心及自悲心頗重嘅狗狗.
但今次, 得佢一個, 唔識玩, 都唔會有其他姐妹取笑啦,
所以查查今次放開懷抱, 同媽媽玩追波波遊戲呀.
後來發現原來查查最鍾意玩追啞鈴呀,
我從來都未見過查查咁玩玩具, 你睇佢幾開心!
鄰家女孩禽晚做班DAC機, 通頂今朝番. 去程竟然做Stephy, 原來佢地做奧比斯探訪當地,
幾好呀, 做偶像要做一d有意義嘅事, 做一個好榜樣, 從而令時下年輕人知道自己身在福中.
見到佢, 終於知道點解佢受歡迎的原因.
一見到佢, 就覺得佢係一個要受保護的鄰家女孩一樣,
我係女人我都覺得好似要幫吓佢咁.
佢係一個外表柔弱的女孩,
雖然睇報導有時佢自己都話其實佢內心好堅強,
而且仲係排球女將, 但因為個外表真係有令人楚楚可憐的感覺,
所以可以成為少男殺手. 原來如此!!
我都係時候又要檢討一下自己. 7월 17일 事在人為從家有二犬, 到三犬, 到現在四犬, 也真有點兒不相信自己可以做到.
聽落好像沒可能, 但原來又可能.
看似不能, 但事在人為,
人家說不能, 非不能也, 乃不為也罷.
就看你有心沒心, 世上真的無難事.
只要有心, 亦不覺辛. 7월 15일 終極纖體今日又係一個月一次的火炭搬運狗糧日.
今日太多糧啦.......好辛苦好辛苦. 天氣又熱.
可以講得上係體力同意志力的訓練.
因為d糧好似搬極都仲有, 要有強大意志先可克服到個心理障礙,
否則好快放棄, 呢個係鐵人耐力賽, 可以鍛鍊有頑強意志.
無嘅, 唔洗比錢做gym, 上樓梯咪當踩stepper,
天氣熱當焗sauna, 又可幫到d狗狗,
自己可以做帶氧運動燃燒卡路里,
又同時做埋負重運動鍛鍊肌肉瘦身, 一舉數得.
我仲覺得籮柚同大腿肌肉firm 左好多添. 生日快樂今日係鈴鈴四歲生辰. 晚上爸爸同媽媽仲有鈴鈴三位好姊妹一同為鈴鈴作一個簡單而隆重的興祝.
四歲啦! 我為鈴鈴許的生日願望為希望鈴鈴可以有多三次四歲.
今次係我家第一次為鈴鈴興祝生日, 以前幾年我地都無興祝,
因為覺得佢地唔知生日為何事, 佢地唔明生日的意思.
但見到過往labclub 有好多壽星仔女的生日都好熱鬧,
狗狗雖然唔知發生咩事, 但係佢地都知道爸爸媽媽為佢地興祝緊一d野
睇段片, 最開心成日笑果個好似係查查, 而diamond 就仲係bb 咁成日側側頭,
好似想知道究竟你地做緊咩事, 而JJ 就比爸爸抱住一同唱歌助興,
反而鈴鈴就最木無表情呀. 不過一家人為鈴鈴興祝生日真係好開心呀.
快樂就是如此簡單.
7월 13일 JJ 的由來 (原來我從未向大家正式介紹JJ小姐)她原名Rochelle, 是我一位外籍鄰居所飼養的, 從前不時也見鄰居跟她丈夫帶著狗兒閒逛. 好景不常, 自鄰居主人誕下第一胎後, 便很少在屋苑放狗區看見他們了, 間中也只看見他們的傭工帶著狗兒走一會便離開. 而自小主人出生後, 主人好像把所有時間也花在嬰兒身上, Rochelle 失寵了! 有時在屋苑內碰見了. 看見她沒精打彩的眼神, 身上毛髮亦脫落不少, 四肢上, 耳朵後均光禿禿似的, 而側腹上亦只有疏落的披毛. 看見她的樣子心生憐憫, 摸摸她的頭, 摸摸她的身, 總是黏呼呼的被不知甚麼油塗抹著. 因此我懷疑她主人因為不容許狗毛在家中飛散脫落, 故經常以一些不知名的油膏塗抹在狗兒身上. 但當時只有心痛的份兒, 狗是別人的, 人家愛怎樣飼養, 我也那他沒法.
後來得知主人一家將要返回老家了, 亦聽說主人並不會帶同狗兒一起離開. 心中不禁咒罵著, 但也沒奈何. 有一次碰見傭人帶著Rochelle, 她亦問我會否考慮多養一頭狗, 因主人快要搬走而要把狗兒遺棄了. 我當時說我也有三犬已分身不睱了. 同時心中想著: 可能主人最終因找不到新主人而改變放棄狗狗的念頭呢!
但最後証明我的想法真的很天真. 6月8日, Ringo 從南丫島動物保護組織的網頁看見Rochelle, 她主人真的離棄了她. http://hk.myblog.yahoo.com:80/lammaanimals-org/article?mid=5621&prev=-1&next=5608
晚上, Ringo 告訴我他所得知的, 並用手機讓我看Rochelle 在網頁上的相片, 身上濕漉漉光禿禿的. 當時我正駕著車, 看見手機中的相片, 心中呆了一呆, 既憤怒又悲傷, 不知所措得很. 不一會, 我的大腦才懂得給予適當的反應, 讓我抒發心中的憤恨, 便是歇斯底里地哭起來. 哭泣是最好的治療. 我駕著車, 由土瓜灣放聲痛哭至銅鑼灣, 途經海隧. 我眼中的淚掩蓋視線, 也不知道車是怎麼開的, 可能路上其他司機看見一個女孩哭喪著臉都好心紛紛讓路給我吧. 車駛至銅鑼灣, 我的哭聲也止住了. 心想自己家中也有三頭狗, 我已沒能力再養多一頭了. 故心中只有默默祝福Rochelle, 希望她在南丫島也可開心快樂地生活.
晚飯過後, Ringo告訴我他有收養 Rochelle的意思. 我心中既喜亦憂, 喜的是我也希望可帶Rochelle回家,如今Ringo 開聲要狗, 我豈會不從不樂 ? 同時心中亦憂心自己沒有足夠的時間精神去照顧四頭狗. 但當時心想, 不論有多辛苦, 有Ringo 在, 我們互相扶持一定可以做得到. 晚上, 立即電郵聯絡南丫島動物保護組織, 粗略介紹一下自己再說明我們的意願, 並告知於翌日星期六會前往南丫島希望可與Rochelle 見面, 當晚便收到南丫島義工回覆.
翌日, 安頓好鈴鈴和 Diamond後, 便和Ringo 帶著查查一同出發前往南丫島了. 天氣炎熱, 路途亦遙遠, 但我們內心比天氣更為熾熱, 與Rochelle 的距離亦越來越近. 抵埗後, 便前往保護組織向工作人員查問一下, 便與Rochelle見面了. 她並不認得我們, 只陌生地看著我們. 我溫柔地看著她, 輕輕地拍拍她的頭, 得到工作人員許可便帶她四處走一會兒. 不久, 工作人員John 跟我們談論一下Rochelle 的情況, 再了解核對一下我們的資料, 便讓我們帶Rochelle 回家了. 原來Rochelle 是John 差不多六年前在南丫島發現的, 也是John 親手餵奶飼養Rochelle 直至她被前主人收養. 因此, 在John 跟我們談話期間, Rochelle 看似對John 有特別微妙的感情, 與他特別親厚, 就像孩子與父母的關係般. 難道經過差不多六年相隔, Rochelle 對John 這再生父母的養育之恩仍有念念不忘之情? 是離別的時候了. Rochelle 不時回望John 的眼神顯出不捨依依. 但不一會, 天生性格樂觀的Rochelle 又開朗起來, 與我們一起迎接她多姿多彩的新生活.
Rochelle 現已改名為Jade, 意為一塊翡翠碧玉經雕琢後重新成器. 另我家現有四口犬亦有成大器之意. 家有鈴鈴, 查查, Diamond 及 Jade, 熱鬧熱鬧!!! 7월 12일 查查第二次當實習醫生, 媽媽亦上了一課.今日查查第二次當實習醫生, 到一個為嚴重至中度智障人士提供服務的訓練中心.
今次面對的為一班很真誠的同學, 他們對動物喜惡, 會十分直接地表露出來.
對於Dr. Pet 的其他服務對象, 例如長者,小朋友, 甚至乎殘疾人士,
基於自己工作上亦有不少機會遇到, 所以滿有信心可以做得很好,
但智障人士, 平日真的沒太多機會可以跟他們接觸,
所以心理上亦有一點兒壓力, 但也只本着平常心做事吧.
今次查查是唯一的大狗, 其他的都是小型犬.
故此我更要小心以免出錯怕被標籤成為大黑狗=惡犬.
亦因為查查是唯一的大狗,所以頗受大部分同學歡迎.
但他們歡迎查查的方法真的十分肉緊啊!
有的會抓著查查嘴巴上的肉, 亦有會拉扯耳朵的, 還有手指幾乎會插到眼睛去.
呵呵!! 做媽媽的, 當然知道怎樣保護女兒, 一味施展着乾坤大那兒的武功,
同時亦引導對方接觸狗狗的正確方法, 同學們很受落啊.
知道同學們平日也很少機會接觸動物, 故他們看見狗狗,
甚至可以觸摸狗狗而顯得特別開心.
而我自己亦一樣, 學習到跟他們相處之道,
了解身邊平日不常接觸的人與事,
每一天都是一個學習機會, 今天又上了一課.
人禍上星期到白腊, 有點兒覺得人類十分可怕.
就像蝗蟲一樣, 人去到那裡, 殺到那裡, 再優美的地方也變得污煙蟑氣.
當政府叫人生仔, 要1000萬人喎, 政府, 你有無諗過小小的香港能負荷得黎嗎?
地球人口真的有點太多了. 看過一篇文章, 形容人就像癌細胞一樣,
不斷侵害自身地球這個身體, 到有朝一日大地精髓都給人類消耗盡,
地球就如末期癌症病患一樣油盡燈枯, 逐漸步向滅亡.
你覺得這天離你很遠嗎? 這天會離你的兒女很遠嗎?
這天會離你的兒女的兒女很遠嗎? 相信不遠矣!
可以為地球作些甚麼呢? 出入要搭乘公共交通? 我自己能我的狗不能!
夏日炎炎瞓覺唔開冷氣? 對不起, 恕我未能奉陪.
唔生仔控制"癌細胞" 數量? 這個可以考慮一下!!
末世紀的心態, 可見的將來難保不會有飢荒, 水荒, 能源荒.
難道要我看著自己所生的兒女活於世上受飢荒水荒能源荒等要挨苦?
兒女從來沒要求過要被生下來. 生兒育女, 從來都只是父母一廂情願, 為滿足一己私慾之產品.
7월 10일 查查第一次當實習醫生星期六, 查查第一次當實習醫生. 去老人院探公公婆婆.
爸爸媽媽一齊陪查查去, 查查又可以單獨同爸爸媽媽去街街,
比起"大檸J"查查的確地位超然.
由養查查第一隻唐狗起, 我便深深著迷於唐狗, 不論性格, 體質, 活動能力,
都覺得佢地無得頂!! 真係要用無得頂呢三個字黎形容佢地先夠貼切.
之後再有由bb養起的小diamond, 現在更加有埋差不多6歲嘅jade小姐,
不論年紀大定細, 佢地都係咁友善同和藹可親.
想查查做Dr. pet 媽媽唔係無原因.
我希望多d大眾市民無論佢地有無養狗都好,
比佢地知道唐狗都可以好乖, 好定檔,
佢地唔係淨係識看門口,
佢地仲可以服務社群, 令有需要嘅人開心歡樂,
希望多d唐狗醫生加入dr. pet行列, 推動多d人養唐狗.
7월 5일 蛻變夜已深, 重溫早陣子拍的照片, 看見JJ 小姐來了我家不到幾星期, 身上披毛便長得黑黝黝.
雖然未能用豐潤來形容她現時的狀況, 但至少看不見令人有點吃驚及不知所措的粉紅嫩肉.
還記得當日帶JJ 小姐回家時, 要由南丫島坐船到中環, 再駕車回家, 當日有帶著查查陪同.
在中環碼頭等候Ringo 駕車前來之際, 不少途人看見JJ, 莫不對我這個主人及JJ 小姐帶點嗤之以鼻的表情,
但他們又看見查查, 看見她精神飽滿的站在JJ 身邊, 途人又不禁嘖嘖稱奇的看著我們.
我心裡想著: JJ 你很快便會好, 再過不久, 便沒有人會用這樣的目光看著我們,
你一定要好起來, 我一定要好好照顧JJ 你啊.
7-1 船河日, 便是第一個考驗.
途人沒太多懷疑的目光.
亦有狗狗和JJ 追逐玩耍啊! 狗狗也沒有排斥JJ 這位新朋友啊!
沒多久, 相信灰姑娘終會成為白(黑)雪公主, 而醜小鴨亦會蛻變成為美麗天鵝.
看到JJ在兩相之中的分別嗎?
7월 3일 想打人又要作一d無病呻吟.......
日日都番工, 仲要幾日overnite, 點呀!!!
又幾日唔見呀女, 灰灰的.
我要turn, 我要turn, 我要turn!!!!!!
好谷氣呀, 就黎想打人!!!!!!! |
|
|
