Windows LiveWindows Live™
 
 
iris님의 프로필千足純金之家歡迎大家光臨, 請隨便參觀, 歡迎留...사진블로그리스트기타 도구 도움말

블로그
    8월 31일

    超級巨聲

     
    睇左幾集超級巨聲, 我覺得劉威煌好吸引.
    我覺得佢係咁多位參賽者之中最投入同認真的一位, 而佢唱歌亦好穩陣, 每一次出場都唔會令人擔心有失誤情況.  
    佢個樣有d似動晝之中的奸角, 所以我覺得佢可塑性甚高, 尢其見佢唱歌時好肉緊同投入嘅表情, 
    令我覺得佢唱歌時好有魅力, 呢樣野正正好吸引我.
     
     
    오전 2:14 | 댓글 달기 | 댓글 읽기(2개) | 고유 링크(Permalink) | 스크랩 | 無聊事
    8월 27일

    奄尖貓

     Amber: 咦!媽咪買左好野喎! 算你啦!
              
     
    媽咪: Amber乖仔, 食魚乾啦! 你鍾意食呀!
    Amber望都唔望, 並語帶不滿: " 本少爺已經唔鍾意食呢隻啦! "
    說時遲那時快, Amber起身離坐以示抗議!
            
     
    媽咪: 吓....都係魚乾o者...有咩分別?
     
    Amber: 唔洗呃我啦, 我梗係知有分別啦, 呢隻新野好味d!
            
     
    Amber: 廚房係我地頭, 呢度我話事!
    媽咪: 慈母多敗兒! %&x*@#
     
       
    오전 12:52 | 댓글 달기 | 댓글 읽기(1개) | 고유 링크(Permalink) | 스크랩 | Amber
    8월 17일

    8月8日星期六火炭狗場義工日活動概況

    當日出席之義工: 雄哥, Alfred, ShirleyChen,Esther, Doris, Jacky, 呀芝, 呀培, Ellen, GraceChiu, 呀Dee, KellyLee, Iris, Ringo,
    加上由義工yoyo帶領的香港青年協會隆亨青年空間共13名義工, 另加路得會6位義工: 呀波, Human, 李潔盈, 呀餅, Tommy, 李培亮. 當日義工團隊的總人數合共有33人, 打破了過去多年義工人數的紀錄.
     
    labclub/DDT網友等眾善長捐贈之24包Purina 狗糧.
     
     IMGP2064.jpg picture by iristsang
     
    ShirleyChen(前者)手中是重量達20lb的貓沙.
          
     
    每位義工都十分落力去為狗場服務.
     
    Ringo 搬運狗糧顯得駕輕就熟.
     
    火炭狗場史上最強勁的人鍊.
     
     
    Ringo 將狗糧搬入舊場, 以便騰出空間.
      
     
    Jacky 為呀十整理披毛.
     
    Gucci 行街街行到好攰啦, 要抖抖!
     
    Doreen 同 KellyLee 合作幫狗狗洗白白.
     
    咁多狗狗圍住雄哥? 原來又係派雞柳時間. 雄哥每次都烚好多雞柳比狗狗食. 
     
    呀Dee 同Grace 同Coffee 沖涼, 你睇佢幾開心!
     
    各義工分工合作去照顧狗狗!
     
    Holick 成身瘁瘁, 好靚女. 佢係一隻好靚同好乖嘅狗女.
     
     
    Docky 係一隻細膽狗, 而且身型好瘦小! 但佢今日精神左好多!
     
    오후 11:27 | 댓글 달기 | 댓글 읽기(1개) | 고유 링크(Permalink) | 스크랩 | 狗場

    奀豬媽+Momisan洗牙日2

    今朝(15aug09)同Shirley去診所接狗狗, 佢兩個都好乖好安靜, 行街一d都無搶繩,
    見到汽車等平時好少見嘅野唔會大驚小怪, 去到彭福見到其他人同狗又好友善, 對人仲好o爹.
    如此乖乖狗狗真係好值得有一個家, 若你想領養狗狗, Momisan 同奀豬媽絕對係你嘅好伴侶!
     
    係診所瞓左一晚, 離開診所後梗係行一陣街街先!
     
    Momisan 同Shirley 留影於旺角.
     
    有機會出街, 梗係無咁快番狗場, 我地去彭由福公園玩一陣先!
     
    Momisan 要去陰涼地方企,唔鍾意晒太陽架!
      
     
    一隻係新場狗, 一隻係舊場狗, 兩隻狗出到街都好乖乖, 見到其他人同狗都好定,
    呢點係因為平時狗場都有好多狗, 早已見怪不怪.
      
     
    Shirley 同 Momisan去探索吓新地方先! 
     
     
    我個嘴唔痛, 牙齒乾淨, 可以笑到見牙唔見眼啦!
     
    我個嘴已經唔痛啦!  
     
    你地睇吓我d牙幾白淨!  Momisan 好乖, 比人點攪個嘴任你舞都唔會反抗.
    오후 9:10 | 댓글 달기 | 댓글 읽기(1개) | 고유 링크(Permalink) | 스크랩 | 狗場
    8월 15일

    奀豬媽+Momisan洗牙日@旺角麥花臣動物診所

    上次Dr.Hendrik 檢查到奀豬媽牙肉好有問題, 今日我同Shirley 帶左佢同Momisan 去洗牙. 奀豬媽成13歲啦, 佢好叻女! 希望佢兩個健健康康啦, 夜晚去探佢地, 兩個都好精神, 聽日再去湊番佢地入火炭狗場.
     
     
     
     
     
     
     
     
     
    오전 1:26 | 댓글 달기 | 고유 링크(Permalink) | 스크랩 | 狗場
    8월 11일

    火炭狗場 729 心絲虫預防行動09捐款資料-感謝篇

    火炭狗場心絲虫預防行動2009於7月29日已順利完成.
    當日一共為場內合共71隻狗注射疫苗, 疫苗份量按狗隻體重而定, 狗隻越重, 疫苗份量越多, 收費便越貴.
    當日心絲虫預防行動全單原價為 $33600, 診所給予狗場折扣優惠後以$23520 作是日收費總數.  
     
    捐款方面, 截至今日為止合共收到捐款為$18162.00.
    另外<<內有惡．犬>>網誌義工隊將會認捐餘下款項 $5358.00.
    因此整項籌款活動可以順利完滿地解決. Open-mouthed
     
    以下為各善長籌募捐款資料:
    Date  Name Donation Remarks
    18-Jun-2009 雄哥 1,268.00 　
    20-Jun-2009 無名氏 3,000.00 　
    23-Jun-2009 playmobil 320.00 　
    23-Jun-2009 小波子媽 1,300.00 　
    23-Jun-2009 Ewa 400.00 　
    24-Jun-2009 Vienne Kong (Ah Yee) 1,000.00 　
    30-Jun-2009 Ching 400.00 　
    30-Jun-2009 Fiona 500.00 　
    2-Jul-2009 Salina 320.00 　
    2-Jul-2009 DennisYau 1,000.00 　
    3-Jul-2009 Shukei 500.00 　
    6-Jul-2009 蔡晶晶 200.00 　
    9-Jul-2009 Doris/Jacky 400.00 　
    9-Jul-2009 Shirley/Ann/Venus 1,700.00 $800+$700+$200
    10-Jul-2009 Regine 634.00 　
    14-Jul-2009 Meko 400.00 　
    15-Jul-2009 CharmaineNg 1,500.00 　
    15-Jul-2009 FatBoBo 320.00 　
    16-Jul-2009 ?? 500.00 　
    21-Jul-2009 AdaKwok 200.00 　
    22-Jul-2009 浩 500.00 　
    24-Jul-2009 CatherineTse 300.00 　
    28-Jul-2009 ZoeLeung 500.00 　
    28-Jul-2009 IrisTsang 1,000.00 　
    　 內有惡．犬網誌義工隊 5,358.00 　
    　 Total 23,520.00 　
     
    (7月16日有一項??捐款未有收到捐款者資料及入數紀錄編號, 若各下為捐款者煩請再留言確認, 謝謝你!)
     
    以下是灣仔獸醫診所發出之正式收據.
    由於LAWC 為火炭狗場作是日安排, 因此賬單上有LAWC的戶口名稱,
    而收據上中間項目便有FoTan dogs(火炭狗)的記錄.   
     
    729火炭狗場心絲虫預防行動2009 得到LAWC, 灣仔獸醫診所, 各界善長及義工之全力協助,  於當日順利為火炭狗場內71頭狗狗注射心絲蟲疫苗, 為牠們得到最基本的健康保障, 我再次衷心感謝大家的幫忙. 
    一年後, 我們會再次為狗場作年度之心絲虫疫苗注射, 希望未來一年之工作會更順利, 亦希望場內的狗狗可快樂地成長, 更希望最終可以得到好心人領養, 給予牠們一個真正的家, 這是我們所有人的希望, 謝謝大家!
    오후 5:10 | 댓글 달기 | 댓글 읽기(1개) | 고유 링크(Permalink) | 스크랩 | 狗場
    8월 2일

    729 火炭狗場心絲虫預防日概況2009

    當日出席之義工有:
    雄哥, DennisYau, GloriaWun, Jacky, Coby, Liza, Josephine, Ellen, 珍珍, 莊雪儀, Iris, Ringo.
     
    當日上午9時左右, 義工們便各自前往狗場, 準備先為場地及狗隻清潔一下, 待稍後獸醫到達便可為狗隻注射疫苗.
    而為免舊場內過於擠迫而影響工作進度. 其中舊場部分狗隻先被帶到洗澡區附近, 讓獸醫進行注射.
     
    Un豬仔及威士乖乖地等待獸醫來臨.
     
    Gloria 拖著齊齊和un 豬媽在洗澡區等待.
     
    當日灣仔獸醫診所派出一行三人, 分別有獸醫Dr. Hendrik, 實習獸醫Dr. Angel 及 護士VA呀盈. 其中Dr. Hendrik和呀盈於去年便已到過火炭狗場作第二部分之429心絲虫預防行動，因此我們對是日行動非常充滿信心．大約11時左右, 他們便到達狗場了.
     
    美麗的Dr. Angel 和高大有型的Dr. Hendrik.
     
     
    Dr. Hendrik率先為 un豬媽作基本身體檢查, 包括觀察眼,耳,口腔狀況, 聽診心肺功能, 另若狗隻性情溫馴, 醫生更會檢查狗狗身體以測看會否有腫瘤情況出現.  
      
    Dennis 正安撫 Henry, 讓牠先安靜準備讓獸醫檢查.
     
     
    Dennis穩定好Henry頭部，讓Dr. Angel 及VA 盈作檢查及注射．
     
     
    Iris 帶老Cocker呀b 及Fendi到醫生處．
     
    看！狗狗安靜地讓獸醫任意檢查眼睛，就好像知道Dr. Hendrik 對牠好一樣．　
      
     
    新場方面，大家姐兼親善大使肥妹一馬當先，要做第一隻被檢查的狗狗．
     
    心絲虫疫苗Proheart大樽裝，亦有細樽裝．
     
     
    Dr. Angel 及呀Ying 合作無間．
     
    大部分狗狗都乖乖安靜地讓醫生注射疫苗．　
     
    當日我們一共為７１頭狗狗進行注射，大約二時半左右，我們便完成了所有工作項目．
     
    經VA盈初部結算，當日醫療費用大約為$23520 左右，大部分款項當日已預先付清，現正等待下星期診所發出之詳細正式收據後，我便會公佈列明善款賬目資料．
     
    真的真的十分感謝各界善長之慷慨捐款，你們的一分一毫，讓狗場內無家的狗狗來年得到基本的健康保障，以防範致命的心絲虫疾病．
    亦十分感謝各義工之不辭勞苦，一大清早便到狗場進行清潔工作，讓醫護人員有一個較舒適的環境工作，更令狗狗心情輕鬆以加快醫生之工作進度．另有部分因工作未能出席活動之義工，雖然你們未能親自前來，但你們仍為狗場送上祝福，希望我們當日工作順利，令我們心生感激．　
    更要十分感謝灣仔獸醫診所之醫生和護士，你們不嫌棄狗場位置偏遠，願意長途跋涉到衛生環境惡劣的狗場，憑你們的專業知識為狗狗帶來健康帶來溫暖．
    最後一定要多謝LAWC，正當我一籌莫展的時候，你們為我穿針引線，聯絡診所並帶來希望．沒有你們，火炭狗場７２９心絲虫預防日便又是只有我個人的空想．
     
    未來，我們會為火炭狗場進行每年一度的心絲虫預防日，希望大家會繼續為無家的狗狗作出努力，以保障牠們有健康的身體去迎接美好的將來．
     
    P.S. 當日有善長Anna 捐出一箱共7包狗糧, 由義工DennisYau 送到狗場. 謝謝你們!
     
    另亦可於以下網誌參看義工coby為當日729行動之紀錄.
    오전 2:17 | 댓글 달기 | 고유 링크(Permalink) | 스크랩 | 狗場
    8월 1일

    729 火炭狗場心絲虫預防日資料整理進行中

    致各位關心火炭狗場的朋友,
     
    729 火炭狗場心絲虫預防日工作已經順利完成,
    灣仔獸醫診所當日派出三位醫護人員到狗場為場內狗狗打針.
    而當日工作概況及所有開支, 均有代整理好, 很快便可以讓大家過目.
    謝謝大家!
     
    iris
    오전 3:36 | 댓글 달기 | 고유 링크(Permalink) | 스크랩 | 狗場