iris's profile千足純金之家歡迎大家光臨, 請隨便參觀, 歡迎留...PhotosBlogListsMore  |  Tools Help |
|
|
September 06 多謝馬會今日星期六帶四千金到彭福公園玩，到停車場赫見全場爆滿，心想公園係咪有function呢？泊好車帶狗狗入公園啦。入到去，嘩!人仲多過旺角，又多一家大細，原來今日沙田馬場有開季試閘樂滿fun活動，彭福公園內有好多馬匹比觀眾觀賞並作不同嘅示範，又有侏儒馬比小朋友嘗試策騎，仲有馬術表演。
今日帶狗狗入彭福公園，人多擠迫，係公園入口已經有明顯告示要狗主拖好狗狗，而且場內有管理員維持秩序，因此四千金今日大部分時間都無放繩, 但我一d怨言都無。 今日去彭福公園狗狗雖然要上繩，但場內好多家長同小朋友都對狗狗好友善，好多家長仲要求狗狗同小朋友合照，又稱讚四千金乖巧，攪到我都好開心。 最有感受係好開心馬會開明嘅態度。雖然舉辦咁大型嘅活動，場內人數衆多仲有身價不菲嘅馬匹，但馬會都無禁止狗隻進入彭福公園範圍內，仲比狗隻係圍欄外有限度接近同埋觀看馬匹。要知道係香港寵物狗狗甚至乎人都唔會經常見到咁大型嘅動物。四千金今次係第二次見到馬匹，佢地都係好好奇想接近，但當然只可以遠觀啦。 作爲媽媽，梗係想自己女兒對呢個世界有多點認識，今日我好感謝馬會。                March 25 對自己好d由於起床起得晚, 餵完狗已經接近黃昏.
一路肚子空空如也, 但一點不覺餓, 只覺有點累,
想必是胃部一早已習慣如此空虛的感覺,
但身體的確缺乏能量, 所以便覺得疲倦.
早幾日, 看見父親大人的yahoo blog http://hk.myblog.yahoo.com/a991952/article?mid=642內有美味的自家製早餐,
看得我牙癢癢, 今天我告訴自己, 我要對自己好一點.
起床後, 馬上開火煎雞蛋, 先弄一件雞蛋三文治, 然後煮牛奶去造一杯美味熱可可.
但好像有點欠缺均衡的感覺, 加一個香甜雪梨吧!!
吃罷早餐, 感覺好滿足!
 January 28 黑妹你安息吧春節, 上班忙得透不過氣.
由於農曆新年關係, 飛機上並未有報紙供應予乘客閱讀, 作為機組人員的我們也對外界一無所知.
年初一於北京渡過, 北京酒店未有提供免費上網服務, 要付費亦不菲, 當然不會使用.
今天從北京抵港後轉飛上海, 在香港停候期間, 用3G 電話看到一則新聞,
是關於有一隻唐狗被卡住了好幾天, 而有關機構正想辦法去營救牠,
但狗兒受驚過度而把自己推得更深入, 而且越卡越實.
經過不知多少個小時後, 當局終於決定讓獸醫替唐狗注射麻醉藥然後再把唐狗"弄"出來.
不幸唐狗經過那麼長時間的騰折, 被救出後最終不支而死亡.
下午看見此新聞時, 唐狗仍然未被救出生死仍然未卜,
但我心裡已計算到最後的結果.
晚上到上海後, 馬上打開電腦看新聞.
得知結果後心裡竟然沒有悲哀的感覺,
只知道這可能對狗兒來說是一種解脫.
由此至終, 我心情並沒有很大的起伏.
是我對人的失望嗎? 還是我已變得麻木不仁?
由村民對狗對生命的態度, 加上眾機構馬虎的營救處事態度,
我們對這個社會還會抱有希望嗎? 沒有期望當然不會失望.
黑妹你安息吧! October 14 我的兩個好妹妹番工要三日兩夜, ringo 又出trip 唔係香港成個禮拜.
收到呢個消息, 覺得呢一日終於來臨, 係考驗我地嘅時候.
我地成日都唔願意擺佢地去寄宿, 因此我地連曾經最鍾意嘅活動...去旅行, 都唔去.
本來都諗住今次要擺四千金去游師父度幾日, 不過一睇我個更, 我第3日好夜先番,
要第4日先可以去接佢地番屋企, 我就更加唔想咁做.
於是就問吓小肥得唔得閒, 估唔到我個好妹妹一口就答應, 吁!!! 一天都光晒.
過幾日,同呀茵講開小肥會過黎幫我湊女, 佢又二話不說地話要過黎幫手,
嘩!!! 實在好感激兩個好妹妹的義不容辭, 更加感激呀爸呀媽生左我地三姊妹!
今次係 DIAMOND 同 JADE第一次無爸爸媽媽陪伴, (曾經鈴鈴查查都試過4日寄宿)
希望佢地四姊妹ok 啦! 不過我知一定ok 嘅!
頭先呀茵已經sms 我報左平安, 不過因為太夜啦佢地要瞓啦所以唔msn,
好啦!! 當堂個心安樂晒!! July 27 夢遊早陣子, 很想封閉自己, 讓自己沈溺於寂寞空間.
或許是處女星座的因子發作吧! 我的心窗得暫時關閉一下, 歇息一下, 請....請勿進來.
現在...巨獸又開始甦醒過來了, 一切又回歸大自然. 生命生活還是要繼續下去.
拜託.....請做一個正常人, 不要再雲遊太虛了!
May 20 堅持陳堅, 你堅持到最後, 跟家人通話後便離去.......
我哭了.
每次看過災難片段, 心情沉重得不想說話.
有多少人尚在瓦礫當中支撐着?
多少次幻想自己也是當中的一份子,
在瓦礫下清醒着, 動彈不得, 挨著渴, 挨著餓,
全世界就只有自己一個, 寂寞的感覺最是令人恐懼,
靜靜的等待著死神降臨.
我們是有福氣的人.
我會珍惜我所有的一切. |
|
|
