iris's profile千足純金之家歡迎大家光臨, 請隨便參觀, 歡迎留...PhotosBlogListsMore  |  Tools Help |
|
|
September 01 正能量最近有很多正能量，想必是大能的神賜予我的力量．
先有狗場Husky 成功 rehome,
再有７２９心絲虫預防日順利完成．
夫妻和睦，父母兄弟姊妹身體健康，家庭生活快樂，
四千金和貓兒子相處融洽兼身體健康．
工作方面, 剛於來年的年假抽籤當中抽到第2名, 而稍後更有機會跳出框框作新嘗試, 很是期待.
我的力量雖然少，但一同零總是有分別，
無限的一加起來便有無限的大，
我會努力維持我的正能量，
繼續以我少少的力量去幫助有需要的人與物． 我的確很快樂． August 31 超級巨聲May 06 落難貴族上班.
曾經, 在航班上我有一個任命是跟公司的終極貴賓-鑽石卡會員去見個面, 打聲招呼和說幾句歡迎的說話.
並述說他們對敝公司有多重要等等事項. 一般來說, 大部分要去見的會員多數是坐於頭等或商務艙的乘客.
最近, 這個趨勢好像有點不一樣, 很多熟面孔的尊貴會員好像都已轉乘經濟艙的座位.
尢其今天有位一向也坐於頭等或商務艙的熟客, 其熟悉的程度,
是我和同事們未待他踏進機門, 老遠便認得他並可隨口說出他是Mr.X.
基於我們希望令頭等艙及商務艙的乘客有賓至如歸的感覺,
很多時我們也在乘客登機前預先看一看乘客名單和座位編排等事項.
但今天, 我們的Mr. X好像不在我們的名單上, 我困惑了.
靜待Mr. X步入機艙, 他大方地向我們展示他的登機証, 該剎那, 我凝住了!
天!!我瞥見他的座號是38K!! 是經濟艙的38K 啊! 為何會這樣?
Mr. X一向對我們十分客氣, 同事們都很喜愛他. 大家心裡都感到有點唏噓.
幸好, Mr.X並沒有鬱鬱不歡, 我向他問好時, 他總是對我們那麼客客氣氣.
Mr.X, 不論你坐哪裡, 我們也一定給你最好的服務, 歡迎你再次乘坐本航班! January 08 唔見銀包事件早陣子遺失了錢包, 內有1)身份証, 2)機場職員八達通, 3) 公司員工証及醫療卡, 4)駕駛執照, 5)2張信用卡及6)2張湯卡.
錢包稱為錢包其實並不正確, 因為內裡並沒有很多錢, 頂多只有數十元.
此包包是我上班必備包包. 上班可以不帶現金, 但包包內裡的東西卻一件不能少.
第1,2,3, 項是一定帶備的, 第4項是遇上趕急時要駕車上班時便有用,
第5項其中一張是屋苑的住戶証, 駕車出入閘便得靠它.
另一張是我的提款卡, 急需現金也得靠它.
而第6項更是我的寶貝, 上班有了它可溫暖得多.
上班時途經東涌便可於這兩店買個湯包外賣,
工作完畢便有湯水滋潤.
要有兩卡的原因是我心花,
今天喝杏汁金腿白肺, 明天便喝鯪魚粉葛赤小豆,
有時還會打包幾個待下班回家後跟Ringo 一起喝.
錢包不見後, 當時想, 証件要補領, 煩!
機場職員八達通沒了, 更煩!
剛增值不久的湯卡沒了, 是唯一的損失吧! 沒法子.
後來致電去湯水公司, 二家店員的服務態度真一流,
二話不說立即替我安排補領, 而失卡內的儲值經核實後更可回撥到新卡中, 呵呵!
後來經LAB 友處得知, 若有購買家居保險而遺失錢包, 某程度上可作索償.
經查核後, 所有証件的補領費用, 及錢包本身的價值的確可作索償.
呵呵! 想買個新錢包已很久, 但自問算是節儉的人, 覺得本身可用的應該繼續用,
所以一直控制自己的購物慾.
現在好了! 有購買的藉口, 還是保險公司送的, 真爽!
雖然心中並不知想買甚麼錢包, 不論牌子, 款式也沒有明確目標,
但SHOPPING 總是我的強項, 而我亦不是三心兩意的人,
跟Ringo 步行不消十分鐘, 新錢包便已袋袋平安, 感覺良好.
而今天, 保險金支票亦已到手, 呵呵呵! 算是不幸中之大幸吧!! December 03 污染秋高氣爽, 上星期五Ringo 攞左日假, 諗住一家6口去大拗門郊遊順便同四個女映吓相.
去到, 發現遊人眾多, 不過垃圾仲多, 幾乎通地都係垃圾.
有膠樽, 零食包裝紙, bbq 叉住成塊嘅豬扒, 雞翼, 唔知咩骨, 仲有菠蘿腸仔, 蝦條薯片通通週地都係.
去到四千金好開心呀, 好似去左美食廣場咁週地執野食,
no 左好多次梗係無用啦, 四千金睬我地都有味.
最後唯有"走"!!! 但山長水遠去到未夠半個鐘就走真係好唔甘心,
既然帶左相機, 臨走前要映低d罪證.
d人成日話d狗同狗主整污糟d地方, 你睇而家係邊個整到我地美麗嘅郊野公園污煙漳氣!
鈴鈴週地執野食好開心, Ringo 即刻同佢上番繩!
睇吓Ringo 個樣幾谷氣!!
October 20 煲"與敵同行"昨晚, 一口氣把過去一個星期的"與敵同行"連大結局看畢了.到朝早八時許才去睡.
自問一向也不是電視迷, 覺得追看電視劇十分浪費精神時間,
有時間看電視, 也只會收看我最喜愛的"動物星球"頻道.
而且工作上亦令我不可能每天安來坐家中收看電視劇集.
但此劇有兩大視帝作主角, 而郭晉安作奸角對我來說很有新鮮感,
因此, 若碰巧有空有機會便會收看, 當作是自己大腦及身體休息的時間.
剛過去一個星期, Ringo 前往印尼工作, 而當中有幾天我亦不在家,
於是我便提議他把這個星期的"與敵同行" 錄影起來, 待有空時一起收看.
昨晚是週末, 我心想, 如果現在不看, 待電視劇過了氣,
以後更加不會看, 所以便提議不如一起看電視吧.
於是我倆便看了一整晚的電視劇.
不評論電視劇好看與否.
只是看電視時, 深深體會到有個"傻佬"跟我一起"煲劇"煲到天光的一種幸福.
希望到八十歲, 還有這個雅興.
P.S. 點解郭晉安同鄭嘉穎都係叫黎宣做"女麻 女麻"?
October 13 賤骨頭早排放大假, 放完11日, 番左兩三日輕鬆工, 又放多11日, 成個月無咩番工.
原本覺得好正架, 但中間竟然作病, 喉嚨痛頭wingwing地作感冒.
自認係自然療法主義者, 醫生我會睇, 但藥就一定唔食,
總之唔係大鑊野就希望靠自己抵抗力好番.
但今次攪左好耐, 喉嚨痛久久不散, 日日已經飲好多水,
可能係唔夠休息, 攪好耐都仲係唔舒服, 仲係咁有d核突嘅痰加埋流鼻水,
成日要sung 鼻涕好麻煩.
今日係放長假後第一日番工, 之前都想偷懶唔番,
但呢個咁壞的念頭只係一閃而過, 工就梗係番啦,
點知, 一番到去即刻龍精虎猛, 仲係咁嘴"蕉蕉"同同事係咁講好多野,
喉嚨痛? 唔記得lu!! 鼻水? 唔見晒啦!
暗付: 究竟自己係咪賤骨頭? 定係番工太辛苦連病魔都要退避三尺?
健康的身體係最重要嘅, 唔洗sung 鼻涕好舒服好free 呀!!
September 02 出關終於忙完個八月, 暑假, 奧運, 做親北京實爆實好多"名人",
番工好忙好忙, 仲好多早機同overnite,
又生眼瘡又好似對貓貓(貓沙)敏感攪到mung 晒鼻.
攪到我魂不付體, 幾近虛脫.
有朋友打電話比我, 明知電話響但瞓緊覺唔聽,
未起身電話響又唔聽, 攪緊d女嘅野時電話響更加唔聽.
閉關成個月, 終於係大昏迷之下完成我八月最尾個更,
好啦好啦!! 出關啦!
又要plan一下我想做好耐嘅事啦!
p.s. 今日好開心呀! 入游師父度見到我最喜愛的電視劇"演員"......小巴!
仲有好多其他演員, 佢地入去拍劇, 不過我就梗係小巴fan 啦.
August 06 工作中尋找快樂番工overnite, 第2日番到hk後好多時無得番屋企要再駁機再去多一晚, 少不免中間要係機場入面閒逛.
我最鍾意就係呢個時候啦!
有時就同同事去食吓野, 或者去shopping.
平日放假多數都係同d女去玩, 去親都一整日,
相對自己喜歡的嗜好.....行街shopping只可以留番係呢個時候去做.
況且機場入面咩都有, 名牌就睇吓啦, 唔會買啦! 除非有狗狗用品,
化妝品就最鍾意買啦, 因為有藉口...番工要用,
而且又有折, d sales 姐姐又比出面counter 果d nice 好多.
今日本來都諗住淨係睇吓野, 同d姐姐傾吓計啦,
講吓講吓, 佢話佢已經56歲喎.....56!!! 咁過多幾年咪60!
我好愕然, 60歲對我黎講已經係老人家, 但佢睇落都只係似40到抆.
可能你話佢想我買野所以報大數啦, 但我又唔覺得係咁,
你話我天真又好, 但我真係因為咁而幫診左佢買野.
買完之後我又好開心咁上機去繼續我餘下嘅工作啦.
番overnite 去 shopping,令我係唔鍾意overnite 要離家幾天的環境下都有dd開心,
頓時覺得原來番overnite 都唔太失落, 時間好容易過架! July 28 醒目婆婆有天早上八時多下班回家, 站在車站出口等候村巴期間, 看見有位婆婆不斷上前迎接途人手中的報紙.
好奇的我心想: 他們正在幹甚麼, 那麼多的途人又與婆婆有甚麼關係?
不久, 看見婆婆把收集得來的報紙放在旁邊的一架小手拉車內,
明白了!原來婆婆正在廢紙回收.
上班一族從村巴下車後便魚貫走進車站, 婆婆便迎上了.
途人從屋苑拿取免費報紙於車上閱讀,
下車後紛紛把手中看畢的免費報紙遞向婆婆,
婆婆亦歡天喜地把報紙接過來.
看見婆婆收獲甚豐, 我也上車了.
心想: 婆婆真聰明, 佔盡天時地利,
付出最少的勞力得到最大的收獲,
而且車站內還有冷氣不用日曬雨淋.
將來我老了, 我也要學得聰明點啊! June 10 服April 20 工作壓力打風, 雖然只是區區3號風球, 但機場大亂. 原本我被編上的上海航班取消了, 改為到福州的航線. 心想......一小時的航程, 不錯呀, 快去快返.
先等飛機到, 然後乘客登機, 跟平常比較確是有點延誤, 但打風嘛!! 大家總算理解, 一點點延誤算不上甚麼.
不久.....機長召喚我到駕駛室, 跟我說機場受颱風影響.........關閉了!!! 所有航班不能升降, 亦不清楚我們要等待多久,
只知道我們的輪候起飛排行次序是第二十四號.
天....早去早回永遠是我的座右銘, 今天恐怕不能如願以償, 要落空了.
機長向乘客廣播, 我們亦馬上向膳食供應商張羅物資, 以供我尊貴的乘客們於等候期間可以享用.
派水, 派飲料, 派撲克牌, 派小食, 派笑容, 之後更推出餐車作正式的餐飲服務.
為何時間好像過得很慢? 機長一次又一次的廣播, 永遠是沒完沒了的內容: 天氣未有好轉, 要靜候多一個小時, 如有最新消息會馬上向各位廣播.....嘩啦嘩啦!
乘客吃飽了, 把機艙燈光調暗, 好寶寶, 乖寶寶, 睡覺吧!
好不容易, 終於等到可以準備起飛了, 乘客們懷著輕鬆的心情愉快地專注地觀看幾位空姐向眾人展示的真人安全示範, 不錯啊! 今天我們的幾位組員有令人賞心悅目的感覺, 這也是一個令人愉快的重要原因吧!
航班順利抵達福州, 雖然比原定時間晚了三小時, 但一直沒有乘客向我們表示不滿! 通過了第一關.
回程, 又是另一個挑戰. 又一批乘客登機了. 看見眾人也黑著臉, 心想...難服侍啊.
心中希望我們不用在福州待的太久, 以免夜長夢多, 那他們發難的機會亦相應減低.
但又是等啊! 今回是等文件, 要等待香港把重要文件傳真到福州才可以起飛.
一等又是一小時. 幸好, 今回時候已不早, 很多乘客早已進入夢鄉, 不會向我們發問一些我們不懂回答的問題.
終於又可以起飛了. 雖然降落期間飛機又像坐過山車身般劇烈震盪顛簸, 但最後總算一切順利, 有驚無險.
回家了, 可能一整天也提心吊膽著生怕因飛機延誤而遭乘客臭罵, 心情總是繃緊著, 放鬆不下來.
回想, 在飛機上同事們和我一樣, 看著食物卻提不起勁去吃東西, 這是甚麼? 是壓力麼?
不....我從不把工作上的心情帶回家, 為何今天會這樣?
March 28 無題心中有好多野想寫, 但呢排總是抽唔出時間, 連帶查查去做DR.PET, 330火炭狗場大清洗日都就唔到去唔到.
最近次次寫blog 都要係outport先有機會, 今次亦唔例外, 我而家就身處台北中壢市,
夜媽媽靜靜地係度爬格仔.
而家Diamond 一星期上一次堂, 要就自己放假先可以去, 真係幾困身,
不過重有一堂就完, 希望之後可以抖一抖, 但又想以後Diamond 要不時入去練習......... 好!! 事在人為!!
另外, 終於都剪番短頭髮啦! 自11月人生大事後, 已經想剪, 不過因為唔係urgent, 所以一直唔得閒理個頭.
而家都成3月尾就黎4月, 終於頂唔順, 剪剪剪! 剪完個頭即刻輕鬆晒! 心情亦愉快得多.
Diamond 上完堂, 我要抖一抖, 我已經好耐無同屋企人食飯, 係時候要浦一浦. 我又有好多本書買左未睇, 我要睇呀!
另 外, 我又想煮吓飯仔,
我已經好耐無煮過野食, 我真係好想食自家製洋蔥豬扒同蒸水蛋.
其實我自問都算煮得一手好菜, 南乳豬手, 炆牛腩, 菜心牛肉(D牛肉勁淋勁入味),
蒸/煎魚, 各樣小炒甚至包餃子我都會做. (諗起都流口水!)
但係而家連煮一餐飯, 甚至乎連食飯都要快, 煮飯? 去正經餐廳?
時間上太奢侈啦.
由於時間關係, 我要去瞓覺啦! 今日一站過黎, 聽日第2日2站, 後日第3日3站.
呢個pattern 要養精蓄銳, 如果唔係放工挨到番屋企會病.
呢班機都有幾個同事port 左sick. 唉.........
咁多人sick 的pattern 係咪唔應該繼續咁編呢?
要瞓啦!!!!!
p.s. 今日我見到我個契仔, 雖然你同人打交, 但我都要話你永遠係契媽個good boyboy! kingkong你個頭大左好多呀!
January 08 大鄉理刷牙記從九月開始轉用此電動牙刷到現在已超過三個月了.
對於此牙刷, 真的沒話說.
自己屬於處女星座, 某程度上應該帶點潔癖,
朋友不知道, 還打笑說我沒有一丁點兒屬於此星座的性格,
其實, 我執著的, 是我的自身.
自中四開始, 便發生一些自己覺得是潔癖的行為.
例如每次吃過東西後, 不論是一粒糖果或是一杯飲品, 也一定要刷牙.
由初期選用ORAL B軟毛牙刷到後期的硬毛刷頭,
由初期一支牙刷可用二個月到後期最顛峰時不夠一星期便要更換一支新牙刷.
如此情況已忘記持續了多久, 連去買牙刷每次也要半打半打的買, 不是不帶點變態的成份.
到後來牙齒開始變黃變酸變壞, 要去看牙醫.
醫生一語道破我的心魔, 曰: 你刷牙咁大力, 你係咪同D牙有仇?
我慚愧不已. 自此, 我不敢大力刷牙, 亦轉回用軟毛牙刷.
但感覺上總是覺得不夠乾淨, 故每次單是刷牙也得花上起碼十分鐘的時間,
還不包括用牙線和漱口的步驟.
故每次刷完牙也會感到喘氣和手臂有累的感覺.
以前也不是沒有考慮過使用電動牙刷,
唯一般的電動牙刷只單靠微弱震動去清潔牙齒,
如此清潔程度並不能滿足我對牙齒的潔癖,
亦不足以驅使我去購買一支未達我自己標準的牙刷,
直至這陣子我才像個"大鄉理"般首次用上人生第一支電動牙刷.
此牙刷有何特別之處令我如此著迷呢? 我真不知道,
我只知道它高速而強力的震動令我感受到每一顆牙齒也被照顧著,
而刷頭上的牙膏同時亦滲入牙隙之內,
用後感覺暢快無比, 整個過程只花去兩分鐘的時間.
雖然之後我仍要使用傳統牙刷去清潔上顎及舌頭,
亦要使用牙線作善後工作,
但比起以前, 我覺得刷牙是一個沈重的大工程,
現在則只是一件輕鬆不已的小項目了. January 07 又上海!! 05jan其實自己都未回魂, 淨係知自己要番11:40 同埋去上海overnite. 起身執拾行裝上班去.
其實前日先係上海O 完番, 今日又O, 做咩而家咁多要過夜架!!
不過好彩, 2日都係做一程, 聽朝仲早番, 都OK 啦!!
早兩日同今日住的酒店唔同, 今日住 Radisson Pudong Century Park, ok 啦.
我最like 佢比crew 有個68蚊buffet, 仲要唔加一, 真係抵食到震!
不過今晚d同事話食要去食韓餐.......吓! 我剛剛禽晚先食完韓燒喎, 好啦是但啦!
January 04 趙家3小貓到趙宅開餐, 餘興節目還有跟貓貓玩耍.
趙家有三小貓, 大貓JUNGLE, 二貓KINGKONG及小貓RAMBO,
JUNGLE和KINGKONG分別是黃花間及全黑色的家貓, 而RAMBO則是灰色英短.
三小貓比起以前長大了不少, 尢其RAMBO, 長有渾圓的大頭,
他整個身軀也是胖嘟嘟, 連爪子和尾巴也是脹鼓鼓的, 可愛得很.
小黑貓女KINGKONG 從前膽子很少, 很怕生人的,
有外人如我等到訪, 一天到晚必只躲在房間裡, 不敢露面,
如今小KINGKONG身體長大了, 性格亦成熟不少,
看見我等沒那麼見外了, 我還趁機會好好抱住她一會兒呢!
而公貓JUNGLE亦雄壯了, 他是家中的老大吧.
看見他雄糾糾的氣勢, 優美極.
他看見我等外人時不卑不亢的姿態, 教我們知道這裡是他的地方.
JUNGLE很不喜歡RINGO,
他多次對RINGO作勢伸出利爪, 更向RINGO 發出嘶嘶叫聲.
但在我眼中, 這卻十分惹笑!
為何他只對RINGO 如此, 而對其他人卻沒怎樣! December 23 卸妝油上班化妝, 下班卸妝是每天必做的事.
卸妝用品最愛使用卸妝油, 市面上不少牌子效果也不俗,
貪其快速溶解臉上顏色污垢, 之後再用潔面泡沫過水清洗,
臉上之化妝殘跡多數不翼而飛. 唯獨偶有頑固睫毛液靈頑不靈,
總愛黏著下眼臉, 累我要額外再用棉花捧把睫毛液擦掉, 十分麻煩.
但最近家裡的卸妝油竟然用光了卻不自知.
這種情形絕無僅有, 自問是這方面的購物狂,
家中床底一向藏有大量存貨.
查看單據, 上次入貨, 已是三年前的事了. (那我已很久沒有去購物了!)
沒有卸妝油, 也得要卸妝呀, 怎麼辦? (後來我又在書房櫃內找到好幾支被遺忘了的旅行裝卸妝油!!)
看見浴室內有支Baby oil, 反正也是塗在皮膚上! 好....就試試看!!
使用時感覺十分油膩啊! 隨便在臉上擦幾下, 便如常地用潔面泡沫過水清洗.
洗畢臉, 往鏡內一照, 呵!! 臉蛋乾淨得好像會反光啊!
化妝品沒了, 連頑固睫毛液都不見了!! 很乾淨啊!!
第二天, 我沒有去光顧化妝商店,
我要試用Baby oil幾天, 看看會否有不良反應吧!!
(臉上會長油脂粒嗎? 會得皮膚敏感嗎?)
用著這枝只售廿多元的Baby oil卸妝已差不多一個月了,
效果比幾百元一支的名牌油還要好,
卸妝效果乾淨俐落, 只偶爾油膩一點,
但反正我每次也要用泡泡再洗一次臉,
那油膩的感覺便沒了!
看來今後卸妝這方面的支出可大大地省卻了!!! December 18 病早幾天, 已經知道今天一定會生病! 為甚麼今天會生病?
原來我今天本來要當的航班是人見人憎的992/3. 早前查看旅客人數, 擠得滿滿的, 還要做lunch/dinner,
上月我已咬咬牙拚了老命硬啃了一班, 但這班機好像要鐵人做似的, 做到尾簡直有想哭的感覺,
回家後發誓永遠不會有下次.
自問自己一向體格強健, 刻苦亦耐勞,
但今天, 要我做full load 的992/3嗎? 對不起, 我要生病了.
October 29 好鍾意洗手盆咁擺 鍾意南京酒店洗手間內的洗手盆, 佢有咩特別? 因為下塌式設計, 刷牙洗面時d水唔會fing 到四圍係,可以盡情潑水!! 屋企果個盆邊係枱嘅上面,次次刷完牙都好似洪水氾濫, 成個枱面都係水, 可能自己粗魯啦, 但係屋企唔洗咩都就住就住掛! 我番工去完廁所洗完手就話要抺乾鏡面洗手盆, 係屋企放肆小小, 消消氣, 可以平衡番心中的不滿, 如果唔係就會心理變態架!! |
.jpg)
|
|
