iris's profile千足純金之家歡迎大家光臨, 請隨便參觀, 歡迎留...PhotosBlogListsMore  |  Tools Help |
|
|
June 19 石澳今日帶4 個女去石澳游水. 小鈴鈴已經差唔多2年幾無去過石澳,
今日舊地重遊, 佢好似好認得咁, 係咁搶繩帶路.
今日後灘d水麻麻地, 可能風向問題, 但唔緊要啦, 都係咁玩!
一如以往, 小鈴鈴都係樽樽水怪, 係咁落水擔水樽, 落水擔水樽.
JJ 今日係第一次同我地去游水, 唔知佢以前有無試過游水呢?
佢當然唔敢落水啦, 抱佢落水, 就好似遇溺咁大水花地游上岸.
雖然佢唔Enjoy 游水, 但有個大沙灘比佢喪跑, 佢都好開心.
而查查今日好似知道JJ 第一次游水唔識游, 就懶叻咁係度游來游去,
仲夠膽游去深水處, 如果平時!! 佢只會係岸邊浸吓腳.
而小Diamond 呢? 咪做查查跟班囖. 查查去邊, 佢就跟住去邊,
查查游去深水, 佢都游去深水.
番屋企, 同4個大小姐沖涼, JJ 沖最後.
終於見到JJ 的潛在光芒, 身上無甩毛的地方立立令.
雖然身上重有好多地方d毛都未生出黎, 重係一躂躂,
但已經見到好多短毛生緊出黎, 重好"吉"手,
相信JJ 好快就可以毛茸茸, 全身黑"mung mung".
可以加入靚女行列.
好期待呢一日. |
|
|
