iris's profile千足純金之家歡迎大家光臨, 請隨便參觀, 歡迎留...PhotosBlogListsMore  |  Tools Help |
|
|
September 05 裙下之臣夜晚帶查查同鈴鈴落街玩, Dash 仔都係度.
Dash 係呢度一隻Chocolate Lab仔, 好大個頭,
而家先歲半, 仲有排大.
平時Dash 呢位小朋友好鍾意同Diamond 玩,
佢地差唔多年紀, 而且Diamond 又好鍾意同佢玩追逐,
而今日因為小 Diamond 日頭落左街所以夜晚無帶佢落黎,
所以 Dash 仔今日係咁撩鈴鈴同查查玩.
查查一貫作風, 唔會理會呢d花o靚仔,
而鈴鈴就同 Dash 仔玩啦, 一齊玩追波波, 一齊追逐.
Dash 仔之後仲係咁追住鈴鈴鍚鍚, 又聞鈴鈴屁股,
玩波波追左鈴鈴個波波又會行番去鈴鈴面前放低個波讓番個波比鈴鈴.
Dash仔好似初入情關追女仔嘅年輕小伙子咁,
有d怕羞, 心大又心細但又不能抗拒鈴鈴美人嘅魅力,
而鈴鈴就好似女皇咁接受Dash 仔嘅呵護.
呵呵!!! 見到咁嘅畫面真係覺得好sweet 呀.
小鈴鈴成日都有男仔追, 唔通佢地都覺得鈴鈴係靚女?
June 21 重拾初戀感覺晚上成十點幾, 赫然發現屋企無晒diamomd 嘅heartguard plus, 加上要去還碟, 拿拿聲出去荃灣睇吓重有無獸醫診所重開門.
正當換衫之際, 見到小鈴鈴個樣好似好唔捨得我地, 好啦.....帶埋鈴鈴一齊去啦.
出門口, 查查有條條食, JJ 有條條食, Diamond 都有條條食, 淨係鈴鈴無得食,
梗係啦, 你要跟爸爸媽媽去街街呀.
小鈴鈴有點驚訝, 點解我無得食,
媽媽又叫我跟住出門口, 跟啦!
出門後鈴鈴晃然大悟: 原來媽媽帶我去街........淨得我.....得我一個,
無查查, diamond 同jj, 得我一個, 好開心!
小鈴鈴裂嘴大笑, 個樣同平時去街個開心樣好唔同, 有甜蜜的感覺.
而媽媽亦感受到好似以前鈴鈴小時候只得鈴鈴一個女兒時同爸爸於夜深帶鈴鈴去街街一樣,
呢種感覺好特別, 好幸福, 就好似初戀一樣.
我相信小鈴鈴的感覺也一樣.
去街街, 媽媽特別陪伴鈴鈴坐於後座,
小鈴鈴亦馬上咋嬌, 依偎在媽媽的懷抱.
到荃灣的路程略嫌太短, 未能盡情與小鈴鈴擁抱.
到達目的地, 與小鈴鈴行了一圈,
途中也有遇到一班狗友, 狗狗互嗅幾吓, 主人寒暄幾句, 道別了.
狗狗們當中亦有對鈴鈴很有興趣似的, 但鈴鈴很淡定啊, 很有大姐風範, 鈴鈴太乖女了.
回家了, 又是媽媽跟鈴鈴依偎互相傾訴的好機會.
下車, 也別上繩了, 跟媽媽走走草坪, 跟爸爸追逐嬉戲一下吧.
只與小鈴鈴在一起時, 感覺很獨特, 很微妙.
|
|
|
