iris 的个人资料千足純金之家歡迎大家光臨, 請隨便參觀, 歡迎留...照片日志列表更多  |  工具 帮助 |
千足純金之家歡迎大家光臨, 請隨便參觀, 歡迎留言, 多多指教!!我家4女孩和媽媽的生活網誌 |
||||||||
|
11月6日 2009年10月10日星期六火炭狗場義工日活動概況-狗狗洗白白+清潔貓貓篇搬運過後, 又到狗狗洗白白時間, 當日天朗氣清, 狗狗們都樂於讓義工為牠們清潔身軀,
而洗澡過後, 狗狗們都精神抖擻, 快樂地享受日光浴.
 新場狗狗今次有有機會過黎舊場呢邊玩, 佢地到新地方樣樣都好好奇,
夠竟下面有咩吸引到八掛仔Momisan?
 義工Doreen 與(左)Momisan 及(中)大黑B 留影. 右為舊場過氣一姐盈盈. 3隻狗狗都乖乖地等待沖涼.
 新場又有另一隻狗狗威威過黎玩,佢成日都好似怕羞仔咁, 好乖巧聽話.
圖中義工呀Nick 為我最心愛的威威提供spa服務. 威威好乖, 佢真係好乖, 威威我好愛你.
 難纏嘅奀豬媽, 佢好唔鍾意沖涼, 但呀Nick 都攪得掂.
 貓房方面, 場內有新入場的白貓媽媽同佢4隻可愛貓BB等人領養.
 本來貓籠污穢不堪, 比貓貓墊嘅被鋪同籠底佈滿污糟貓沙, 貓糧又一地都係.
 清理貓籠期間, 小貓B驚慌地瑟縮於一角, 令你受驚, 很對不起啊!  整理好貓籠後, 貓媽媽和小貓咪都好歡喜!
 Jeff 同貓貓玩毛毛, 相片內左邊另一隻手係唔肯出鏡嘅金水.
你睇下面隻貓個頭係咁追條毛, 變左fing頭迷幻貓.
 小貓貓難得有玩具,見佢係咁用個頭"初"個波波, 玩得好開心.
而佢腳下墊墊就係ShirleyChen捐贈嘅咕o臣套.
大家如果屋企有呢d舊衣被鋪, 好歡迎帶黎貓房比貓貓瞓, 佢地好鐘意架!
 十一月火炭狗場義工日將於十一月十四日星期六進行, 若你有興趣加入成為義工一分子,
請與我聯絡: iristsan@hotmail.com . 謝謝. 2009年10月10日星期六火炭狗場義工日活動概況-搬運+舊場清潔篇當日出席之義工: 雄哥, AlfredKwok, ShirleyChen, Esther,Terence, 金水, 呀浩, AlfredChan, Jacky, Jeff, MichaelYuen, Doreen, Lingling, Iris, Ringo, Ellen 和她3位朋友,
另加上由張穎欣帶領之義工同學合共11人, 再加上由呀望及呀魚帶領之路得會VA聯盟近13位義工, 當日義工團隊人數, 再次打破過去多年義工人數的紀錄, 合共有43人.
labclub/DDT網友等眾善長捐贈之24包Purina 狗糧.
 今次義工人數眾多, 人鍊都未形成, 一人搬一包就已經將第一批狗糧搬到第一個中轉站, 好快手.
義工 Terence.
 舊場之下, ShirleyChen 同Ringo 合力搬運狗糧到新場.
 好多位義工都出力但唔願出鏡, 今次掩面有呀Ling做代表.
義工由上至下: TerenceLau, AlfredKwok, 呀浩, Fiona, Jacqueline, 呀Ling.  AlfredKwok 係多功能義工, 除左搬糧, 佢仲有好多專長.
 Zoe Leung和 Fiona Tsang 捐贈的物資和舊衣毛巾, 貓貓們好鍾意瞓係上面.
  義工正忙於清潔舊場, 大家都好落力
 做得義工多, 人都靚d!
 呀魚清潔舊場有姿勢有實際.狗狗出左去玩, .
 Fiona 為舊場灑上消毒粉, 辟味除臭
 義工為舊場內僅有的2隻貓貓清潔地方.
 Alfred 努力為舊場頂清理枯葉, 確保天台乾淨整潔.
 掃完落葉仲埋搬落去垃圾箱, Alfred你係得嘅!
 .....待續10月5日 10月10日 火炭狗場徵求義工日期:10月10日 星期六時間: 下午1時30分 至 6時左右狗場位置於山腰之中, 義工每每要徒步拾級方可抵達狗場門口.而狗狗每天的糧食也是靠義工們徒手徒步辛辛苦苦一包一包的運送到狗場內.供應商貨van司機先生先將狗糧及其他物資卸下於狗場上方山頂位置, 義工便拾級而下將物資運抵山腰中之狗場.搬運工作大概是日4時左右完成.搬運工作完畢後大家可以留低和狗狗玩耍, 讓牠們得到一絲溫暖和歡樂.當然亦歡迎大家替狗狗沖涼及清洗籠舍及狗狗用具等,另外如時間許可, 亦希望有有經驗溜狗人士可以幫忙帶狗狗到場外走走,讓狗狗有機會認識狗場外的世界.其間義工於任何時間均可選擇自行離開, 而大部分義工將於6時左右完成是日工作.注意事項: 為避免狗隻走失, 所有進入狗場之義工請緊記" 出入要關門" 之規條.另由於場內地方濕漉, 建議義工帶備拖鞋及多帶一套衣服以便工作完畢之後可替換.各位愛狗之人, 你可願意伸出援手, 為狗場的狗狗出一分力, 讓狗狗得到最基本的快樂嗎?狗場內的狗狗只求有得吃有瓦遮頭不用飢寒交迫, 吃已是牠們最開心的時刻了.你可於以下網誌了解一下狗場義工日情況.http://iristsan.spaces.live.com/?_c11_BlogPart_BlogPart=summary&_c=BlogPart&partqs=cat%3d%25e7%258b%2597%25e5%25a0%25b4假如你也希望跟我們一起去狗場給予狗狗一絲溫暖快樂,請email 我: iristsan@hotmail.com , 我會盡快與你聯絡.或可於以下義工隊伍: 清潔組 http://hk.myblog.yahoo.com/misswswong/index?l=f&id=22 報名. 謝謝9月27日 火炭狗場義工日活動概況2009-09-12 - 完結篇繼卸貨完畢後, 搬運工作便開始了. 義工人鏈馬上形成, 希望可以最快時間完成搬運工作.
1)金水兄為善最樂, 經常到不同的貓狗場去幫助流浪動物.
2)Terence, 張裔坤教練及Jimmy爸(左至右)組成的人鍊.
看到如此數量的物資大家也心裡有數, 知道今天將會是艱苦的一天.
但各義工對如此工作量沒有哼半句, 大家默默地為場內動物付出勞力和汗水. 謝謝你們!
當日天氣炎熱, 搬運工作比平時吃力, 女將Doris 亦因此而閃了足踝更腫脹得大如雞蛋, 結果Doris 當日不得不退下火線. 希望Doris 傷患早日痊癒.
搬運工作完畢後, 又到義工和狗狗最開心的時光.
佢話肉乾可以滿足狗狗有"o趙"呢個行為, 同埋"o趙"耐d, 狗狗會食得開心d!
狗狗心理同生理都照顧埋, 雄哥你係得嘅!
你睇Holick 一臉滿足, 有咬口狗狗食得零舍開心.
 放狗時間, 好多細狗都可以自由行, 你看牠們多高興的樣子.
 義工同狗狗快樂行街街.
 各位有心但無時間或氣力嘅朋友如果都想幫助一點點, 可以考慮捐糧比狗場. 每月付出一包狗糧就可以幫助呢班咁可愛嘅動物, 讓佢地得到溫飽. 而10月的火炭狗場義工日將於10月10日進行, 敬請加入我們義工行列去為無家的動物帶來開心的一天.
9月23日 火炭狗場義工日活動概況2009-09-12 之卸貨篇當日出席之義工: 雄哥,AlfredKwok,Amy,呀珊,ShirleyChen,Nick,Doris,呀浩,鄧太,AlfredChan,金水,KammyWong, Iris, Ringo.再加上得到專業訓犬師張裔坤教練, Jimmy爸及呀賢到狗場出一分力, 當日一共有17位義工出席是日之活動.
當日天氣炎熱, 義工人數雖然不算少, 但要搬運的物資卻十分多, 因此搬運工作已令大家十分吃力.
(淨係卸貨都要一個篇幅去報告, 數量真係唔野少.)
貓糧供應商首先到達並徐徐卸下貓糧貓沙等物資. 數量如此之多, 義工已開始有點擔心.
最近貓貓便盆轉用了木沙, 取締了從前價格較高昂之草沙. 因此換沙次數可以比從前更頻密以確保貓房衛生. 這裡便有32包貓沙. 但搬運的義工看見如此數量便心驚膽跳.
 就是只有這麼多嗎? 當然不! 好戲繼續來!
 除貓沙貓糧外, 當然少不了從德記訂購的狗糧.
 labclub/DDT網友等眾善長捐贈之24包Purina 狗糧.
 待續..... |
|
|||||||
发送私人消息
告诉朋友
添加到 Live.com
添加至您的网络
订阅提醒
|
|
